Татарстан Республикасы Министрлыклары Татарстан Республикасы Юстиция министрлыгы

Татарстан икътисадына федераль акчаны җәлеп итү мәсьәләсенә багышланган киңәшмә

2012 елның 5 марты, дүшәмбе

Узган атнада Татарстан Республикасы Дәүләт Советында федераль бюджет чараларын Татарстан Республикасы икътисадына җәлеп итү мәсьәләсенә багышланган киңәшмә булды. Анда федераль акчаны 2011 елда җәлеп итү буенча башкарылган эшләргә нәтиҗәләр чыгарылды, 2012 елга һәм якын киләчәккә бурычлар билгеләнде.

Узган елда, берничә Татарстан проектын гамәлгә ашыру өчен, федераль бюджеттан 66 млрд. сумнан артык акча бүлеп бирелгән (өчтән бер өлеше 2013 ел Универсиадасын үткәрүгә әзерлек чараларына юнәлтелгән). Быел республика үз икътисадына, гомуми алганда, 30 млрд. сум федераль акча җәлеп итәргә уйлый.

Мәсьәлә турында фикер алышуда яңа чакырылыш РФ Дәүләт Думасының Татарстаннан сайланган депутатлары һәм республика министрлыкларыннан вәкилләр катнашты.

Дәүләт Думасы депутатлары белән тәүге очрашу Мәскәүдә булган иде һәм эшкә юнәлеш бирү характерында узган иде. Ул вакытта гомуми стратегик максатлар һәм бурычлар куелды. Икенче очрашуда эшче төркем оештырылды, аларның исемле составы расланды, эш башкарылачак юнәлешләр төгәл билгеләнде.

Татарстан Республикасы Юстиция министрлыгыннан вәкил булган Татарстан Республикасы юстиция министрының беренче урынбасары С.Н.Столяров 12 нче эшче төркем составына кертелде һәм Дәүләт Думасының иминлек һәм коррупциягә каршы тору комитеты әгъзасы М.М.Галимәрданов җитәкчелек иткән эшче төркемнең җитәкче урынбасары итеп билгеләнде.

Дәүләт Думасы депутатлары һәм министрлык, ведомстволарның җаваплы затлары киңәшмә барышында бергә эшләүне камилләштерүгә кагылышлы тәкъдимнәрен һәм киңәшләрен белдерделәр, алга таба эшләү тактикасын ачыкладылар.

ТР Юстиция министрлыгының Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Җәмәгать судьялары тарафыннан каралган эшләр турында мәгълүмат һичшиксез Татарстан Республикасы җәмәгать судьяларының рәсми порталында урнаштырыла

апрель, 2026 ел

Сезнең гаилә геройлары Җиңү көнендә "Үлемсез полк"ның бер өлеше булырга мөмкин!

9 майда без Бөек Ватан сугышы елларында Ватан өчен көрәшкән кешеләрне искә алабыз. Сезне онлайн-форматта бу мөһим акциягә кушылырга чакырабыз!

апрель, 2026 ел

Рөстәм Заһидуллин: “Суд участокларындагы иминлек - безнең эшнең өстенлекле юнәлеше”

Казанда Татарстан Республикасы Судьялары советы утырышы узды. Юстиция министры Рөстәм Заһидуллин доклад белән чыгыш ясаганда суд участокларының куркынычсызлыгы мәсьәләләренә аерым тукталды.

“Акыллы йорт” куркынычсызлыгы һәм хайваннарны яклау: “Лаборатория Касперского” “Цифрлы ликбез” проектының яңа сезоны өчен видеороликлар чыгарды

“Лаборатория Касперского” дүртенче ел рәттән “Мәгълүматлар икътисады” илкүләм проекты һәм “Технологик лидерлык” илкүләм максаты кысаларында гамәлгә ашырыла торган “Цифрлы ликбез” Бөтенроссия мәгърифәтчелек проектында катнаша. Яңа сезонда компания “Цифрлы икътисад” АНО белән берлектә һәм Россия Мәгариф министрлыгы һәм Россия Цифрлар министрлыгы ярдәмендә актуаль кибер-янаулар турында ике яңа видеоролик әзерләгән. Беренчесе цифрлы технологияләр ярдәмендә акыллы йортны һәм хайваннарны ничек сакларга икәнен аңлатса, икенчесе цифрлаштырылган яшәештә киберкуркынычсызлык буенча “зарарлы киңәшләрне” реаль эшли торган кагыйдәләрдән аерырга өйрәтәчәк. Видеороликлар һәм аларга методик материаллар цифровойликбез.рф сайтында бар.

ЯҢАЛЫКЛАРГА ЯЗЫЛУ