Татарстан Республикасы юстиция министры М.М.Корманов Чүпрәле муниципаль районы белән видеоконференция тәртибендә гражданнарны кабул итүне үткәрде

Кичә Татарстан Республикасы юстиция министры М.М.Корманов видеоконференция тәртибендә үткәрелә торган чираттагы кабул итүне уздырды. Телекүпер Татарстан Республикасының Чүпрәле муниципаль районы арасында салынды. Кабул итү барышында гражданнар республика ведомствосы җитәкчесенә түбәндәге сорауларын бирделәр: муниципаль Территорияләрне төзекләндерү кагыйдәләрен бозган өчен административ штрафларның күләме арту нәрсә белән аңлатыла? Авыл җирлекләрен ныгыту планга кертелгәнме? Түләүсез квалификацияле юридик ярдәмне алуга кемнең хокукы бар? Мөлкәткә салым түләү буенча ташламаларга хокук нәрсәдән гыйбарәт?

Моннан тыш, муниципаль районның яңа уставын Татарстан Республикасы Юстиция министрлыгы тарафыннан юлланган өлге устав нигезендә кабул итү белән бәйле; элек кабул ителгән уставны яңа редакциядә теркәү турында; ана капиталын файдалану хакында һәм башка мәсьәләләр яңгырады.

Кабул итү вакытында яңгыраган сораулар һәм аларга министрның җаваплары Татарстан Республикасы Юстиция министрлыгы сайтында “Еш бирелә торган сораулар” бүлегендә урнаштырылган.

 

ТР Юстиция министрлыгының Матбугат хезмәте