Татарстан Республикасы юстиция министры каршындагы коррупциягә каршы тору комиссиясе утырышында

2012 елның 30 мартында Татарстан Республикасы Юстиция министрлыгында Татарстан Республикасы юстиция министры каршындагы коррупциягә каршы тору комиссиясе утырышы булды.

Комиссия әгъзалары “Керемнәр турында белешмәләрнең үз вакытында һәм дөрес тапшырылуын тәэмин итү чаралары турында” мәсьәләсен карап тикшерделәр. Утырышта Татарстан Республикасы Президентының Коррупциягә каршы сәясәт мәсьәләләре идарәсеннән кергән анализ бәян ителде. Әлеге анализ 2011 елда дәүләт һәм муниципаль хезмәт турында законнарның үтәлешен һәм коррупциягә каршы торуны өйрәнү максатыннан ясалган. Тикшеренүләр нәтиҗәсендә ришвәтчелек куркынычының иң күбе дәүләт һәм муниципаль хезмәт, товарлар кайтаруга, эшләр башкаруга, хезмәтләр күрсәтүгә дәүләт заказларын урнаштыру өлкәсендә, шулай ук дәүләт һәм муниципаль мөлкәттән файдаланганда күзәтелүе ачыкланган.

2010 елда Татарстан Республикасы Юстиция министрлыгында керемнәр турында белешмәләр тапшыру һәм белешмәләрнең үз вакытында һәм дөрес тапшырылуын тәэмин итү чаралары хакында Татарстан Республикасы юстиция министрының беренче урынбасары, комиссия рәисе урынбасары С.Н. Столяров җиткерде. Аерым алганда, Министрлык хезмәткәрләре арасында керемнәр турында белешмәләрнең дәүләт хезмәткәрләре тарафыннан бозып тутырылуы очраклары булмаган.

Дәүләт граждан хезмәте вазыйфаларын биләп торучы затларның 2011 ел керемнәре турында белешмәләрне тапшыруы мәсьәләсен оператив хәл итү өчен, 2-НДФЛ формасындагы белешмәләрне, иң беренче чиратта, вазыйфаны биләп торуы ришвәтчелек куркынычы белән бәйле булган хезмәткәрләргә бирү турында карар кабул ителде.

Комиссия утырышында “Министрлык ихтыяҗлары өчен дәүләт заказын урнаштыруга һәм дәүләт мөлкәтеннән файдалануга карата закон таләпләренең үтәлеше хакында” мәсьәләсенә кагылышлы сүз алып барылды. Гомуми бәясе 100 мең сумга кадәр булган дәүләт заказлары буенча Министрлык комиссиясенең эшен камилләштерү максатларында, Министрлыкның эшләр белән идарә итүчесе С.А. Брусов әлеге мәсьәләгә кагылышлы тәкъдимнәр кертте. Әмма алар, комиссия утырышында дөрес карар чыгарылсын өчен, беркадәр төгәлләштерелергә тиеш.

Норматив хокукый актларга һәм норматив хокукый актларның проектларына коррупциягә каршы экспертиза үткәрүнең сыйфаты мәсьәләсе буенча бу юнәлештә министрлык һәм ведомстволарның эшен, шулай ук коррупциягә каршы экспертиза үткәрү мәсьәләләренә кагылышлы Россия Федерациясе Юстиция министрлыгының Татарстан Республикасы буенча идарәсе, Татарстан Республикасы Прокуратурасы белән үзара мөнәсәбәтләрне камилләштерергә;

Татарстан Республикасы дәүләт хакимияте башкарма органнарының һәм җирле үзидарә органнарының белгечләре белән норматив хокукый актларның проектларына коррупциягә каршы экспертиза үткәрүгә кагылышлы семинарлар уздыру вакытын билгеләргә, дигән карарлар кабул ителде.

 

ТР Юстиция министрлыгының Матбугат хезмәте