Татарстан Республикасы икътисадына федераль бюджет акчасын җәлеп итү турында

2012 елның 10 апреле, сишәмбе
2012 елның 5 апрелендә Татарстан Республикасы Юстиция министрлыгында 12 нче эшче төркемнең Татарстан Республикасы икътисадына федераль бюджет акчасын җәлеп итү мәсьәләсенә багышланган утырышы булды. Аны Татарстан Республикасы юстиция министры вазыйфаларын башкаручы С.Н.Столяров (эшче төркем җитәкчесе урынбасары) үткәрде.
Фикер алышуда әлеге мәсьәлә белән кызыксынган министрлык һәм ведомстволардан, төгәлрәк әйткәндә, ТР Транспорт һәм юл хуҗалыгы министрлыгыннан, Федераль дәүләт теркәве, кадастр һәм картография хезмәтенең ТР буенча идарәсеннән, ТРда Суд департаменты идарәсеннән, ТР Юстиция министрлыгыннан, ТР Икътисад министрлыгыннан, Россия Транспорт күзәтчелегенең Татарстан дәүләт авиация күзәтчелеге идарәсеннән, Федераль җәза үтәтү хезмәтенең ТР буенча идарәсеннән, “Казан” аэропортының чик бүлегеннән вәкилләр катнашты. Утырыш эшендә шулай ук Россия Федерациясе Дәүләт Думасы депутаты М.М.Галимәрдәнов ярдәмчесе Т.Р. Абдрашитов үз фикерләре белән уртаклашты.
Утырыш барышында эшче төркем әгъзалары Татарстан Республикасы икътисадына федераль бюджет акчасын җәлеп итү буенча төгәл мәсьәләләрне күтәрде һәм аларны хәл итү чараларын тәкъдим итте. Аерым алганда, федераль башкарма хакимият органнарының федераль максатчан программаларны гамәлгә ашыруда катнашучы ТР буенча территориаль органнары тарафыннан 2013 елга бюджет заявкаларының күчермәләрен тапшыру вакыты билгеләнде. Эшче төркем әгъзаларына кыска вакыт эчендә республика чараларын һәм Татарстан Республикасы территориясендә төзелә торган объектларны федераль максатчан программаларына кертү өчен кирәкле материалларны әзерләү йөкләнде.
Киңәшмә ахырында эшче төркемнең чираттагы утырышын аның җитәкчесе - Россия Федерациясе Дәүләт Думасы депутаты М.М. Галимәрдәнов белән агымдагы елның апрель аенда аның өченче декадасы ахырында үткәрү турында карар кабул ителде, шулай ук эшче төркем утырышларын үткәрү ешлыгы билгеләнде.
 
 ТР Юстиция министрлыгының Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International