Татарстан Республикасы Министрлыклары Татарстан Республикасы Юстиция министрлыгы

Татарстан Республикасы административ-территориаль берәмлекләре реестрының яңа редакциясе турында

2012 елның 12 апреле, пәнҗешәмбе

Татарстан Республикасы Юстиция министрлыгы, Татарстан Республикасы Президентының “Татарстан Республикасының административ-территориаль төзелеше турында” 2008 елның 12 маендагы ПУ-205 номерлы Указы нигезендә билгеләнгәнчә, Татарстан Республикасы административ-территориаль берәмлекләре реестрын алып баруны гамәлгә ашыручы вәкаләтле орган булып тора.

Реестрда Татарстан Республикасы территориясендә урнашкан барлык административ-территориаль берәмлекләр, шул исәптән торак пунктлар турында мәгълүмат бирелә. Реестр Татарстан Республикасы Президентының “Татарстан Республикасы административ-территориаль берәмлекләре реестры эчтәлеге һәм аны алып бару тәртибе турында нигезләмәне раслау хакында” 2008 елның 29 сентябрендәге ПУ-460 номерлы Указы белән расланган форма буенча булдырылды һәм, 2009 елның 1 гыйнварыннан башлап, кәгазъдә һәм электрон чыганакларда алып барыла.

Татарстан Республикасы Юстиция министрлыгының 2008 елның 31 декабрендәге 01-01/64 номерлы боерыгы белән расланган Реестрны алып бару регламенты нигезендә Реестрны яңарту, аны яңа редакциядә ел саен раслау аркылы, ел саен башкарыла.

Күрсәтелгән Регламентның нигезләмәләрен гамәлгә ашыру һәм әлеге Реестрның нигезләмәләрен актуальләштерү максатларында, Татарстан Республикасы Юстиция министрлыгының “Татарстан Республикасы Юстиция министрлыгының “Татарстан Республикасы административ-территориаль берәмлекләре реестрын раслау турында” 2010 елның 20 маендагы 01-02/34 номерлы боерыгына үзгәрешләр кертү хакында” боерыгы чыгарылды.

Реестрның яңа редакциясе Татарстан Республикасы Юстиция министрлыгының рәсми сайтында “Җирле үзидарә” бүлегенең “Административ-территориаль берәмлекләр реестры” бүлекчәсенә урнаштырылды.

Шулай ук игътибарыгызны юнәлтәбез: Татарстан Республикасы Юстиция министрлыгы дәүләт хезмәтләре күрсәтү кысаларында мәнфәгатьле органнар, оешмалар яки физик затларның соравы буенча Реестрдан өземтәләр яки соралган мәгълүматның булмавы турында белешмәләр бирә.

ТР Юстиция министрлыгының Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Туры эфир: министрның беренче урынбасары Г.Р. Державин исемендәге республика премиясе турында сөйләячәк

Кадерле язылучылар һәм республикабызда юридик фәннең үсеше белән кызыксынучылар!

март, 2026 ел

Татарстан Гадәттән тыш хәлләр министрлыгы һәм Юстиция министрлыгы юлларда куркынычсызлык турында искә төшерә

Яз рәсми рәвештә үз хокукларына керде, әмма урамнарда һәм юлларда әле элеккечә үк кар шактый күп. Кышкы шартлар саклану сәбәпле, Татарстан Республикасы Юстиция министрлыгы, Гадәттән тыш хәлләр министрлыгы белән берлектә, автомобиль хуҗаларына елның салкын вакытында транспорт чараларын эксплуатацияләү кагыйдәләрен үтәү кирәклеге турында искәртә.

Татарстан Республикасы юстиция министры урынбасары җирле үзидарә турында яңа законны гамәлгә ашыру турында сөйләде

“Россия 1. Татарстан” телеканалы эфирында Татарстан Республикасы юстиция министры урынбасары Мөхәррәм Ибәтов гавами хакимиятнең бердәм системасында җирле үзидарәне оештыруның гомуми принциплары турындагы федераль закон турында сөйләде. Аның сүзләренчә, әлеге законны гамәлгә ашыру республиканың барлык муниципаль берәмлекләре өчен өстенлекле бурыч булып тора.

март, 2026 ел

Сугышчан хәрәкәтләр ветераннары өстәмә ялга хокуклы булачак

Дәүләт Думасы хәрби хәрәкәтләр ветераннарына, шул исәптән махсус хәрби операциядә катнашучыларга өстәмә ялга хокук бирә торган закон кабул итте. Федерация советы шулай ук әлеге документны үзенең пленар утырышында хуплады.

ЯҢАЛЫКЛАРГА ЯЗЫЛУ