ТР җәмәгать судьялары аппаратында мәгълүмат технологияләрен кертү турында

2012 елның 18 апреле, чәршәмбе
Кичә видеоконференция тәртибендә “Электрон документлар әйләнеше һәм махсус хокукый тәэминат белән эшләү” темасына Татарстан Республикасы Юстиция министрлыгы тарафыннан оештырылган өйрәтү семинар-киңәшмәсе булды. Өйрәнүчеләр буларак Татарстан Республикасы җәмәгать судьялары аппараты хезмәткәрләре катнашты.
Семинарның бу темага багышлануы очраклы түгел. Татарстан Республикасы җәмәгать судьялары аппаратының суд участоклары дәүләт хакимияте органнарының бердәм ведомствоара электрон документлар әйләнеше системасына тоташтырылды. Әлеге системада Татарстанда һәртөрле дәрәҗәдәге: республика, муниципаль район һәм авыл җирлекләре дәрәҗәсендәге 28 мең кулланучы эшли. Татарстан Республикасы Юстиция министрлыгы электрон документлар әйләнеше системасында 2006 елдан бирле эшли. ТР Юстиция министрлыгының эш башкару һәм документлар әйләнеше секторы мөдире Шәйдуллина Д.Т. семинар тыңлаучылары белән үзенең электрон документлар әйләнешендә эшләү тәҗрибәсе белән уртаклашты.
Бу яңалыкның уңай ягы һәркемгә сүз белән түгел, ә эш белән мәгълүм: документларны оператив кабул итү һәм җибәрү, республика җәмәгать судьялары аппаратының суд участогы документлар әйләнешендә аларның йөрү ачыклыгы.
Өйрәтү семинарының икенче темасы граждан, административ һәм җинаять суд эшләрендә катнашучыларга судта эш каралу урыны, көне һәм вакыты турында белдерү өчен СМС-хәбәрләр куллану мәсьәләсенә кагылышлы булды.
Җәмәгать судьялары аппаратында яңа технологияләр кертү карарларга 2012 елның 9 февралендә РФ Югары Суды Пленумы керткән кайбер үзгәрешләргә бәйле.
Яңалыклар гомуми юрисдикция судларына өстәмә элемтә чарасы буларак граждан, административ һәм җинаять суд эшләрендә катнашучыларга судта эш каралу урыны, көне һәм вакыты турында белдерү өчен СМС-хәбәр куллану мөмкинлеге бирелүгә кагыла. Бу очракта процесста катнашучыларның мондый ысул белән хәбәрдар булуына ризалыгы булу -мәҗбүри шарт.
Семинар вакытында тыңлаучыларга СМС-хәбәр юллану һәм барып җитү фактын мәҗбүри рәвештә теркәп бара торган яңа программалы тәэмин итүнең эшләү механизмы турында сөйләделәр һәм күрсәттеләр.
ТР җәмәгать судьялары аппаратында яңа программалы тәэмин итүне кертү турында ТР Юстиция министрлыгы хокукый мәгълүматлаштыру һәм компьютер системалары бүлегенең әйдәп баручы белгече Пилин Д.А. сөйләде.
 
ТР Юстиция министрлыгының Матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International