2012-2014 елларга Коррупциягә каршы комплекслы республика программасының тормышка ашырылуын тикшерү

Тикшерү предметын 2012-2014 елларга Коррупциягә каршы комплекслы республика программасының Татарстан Республикасы башкарма хакимияте органнары һәм җирле үзидарә органнары тарафыннан тормышка ашырылырга тиешле пунктлары тәшкил итте.

ТР Транспорт һәм юл хуҗалыгы министрлыгында узган тикшерүгә нәтиҗәләр транспорт һәм юл хуҗалыгы министры Сафин Л.Р., коррупциягә каршы тору комиссиясе әгъзалары, коррупциягә караган һәм бүтән хокук бозуларны профилактикалау өчен җаваплы зат, шулай ук коррупциягә каршы экспертиза үткәрү өчен җаваплы зат белән бергә чыгарылды.

Лаеш муниципаль районында узган тикшерү нәтиҗәләре хакында Лаеш муниципаль районы Башкарма комитетының эшләр белән идарә итүче Воробьев В.Н., Лаеш районы башлыгы каршындагы коррупциягә каршы тору комиссиясе әгъзалары, коррупциягә караган һәм бүтән хокук бозуларны профилактикалау өчен җаваплы зат, шулай ук коррупциягә каршы чаралар үткәрү өчен җаваплы башка затлар катнашында узган киңәшмәдә фикер алышу булды.

Тикшерүчеләр 2012-2013 елларга Илкүләм коррупциягә каршы көрәш планы нигезләмәләрен эштә мәҗбүри исәпкә алу зарур булуга  игътибар иттеләр. Шуны билгеләп үтәргә кирәк, Лаеш районында әлеге планны үтәү буенча эш актив алып барыла.

Кимчелекләрне бетерүгә кагылышлы тәкъдимнәрне үз эченә алган күрсәтелгән тикшерү нәтиҗәләре буенча тиешле белешмәләр, алга таба таянып эшләр өчен, ТР транспорт һәм юл хуҗалыгы министрына һәм Лаеш муниципаль районы Башлыгына юлланачак.

Бу белешмәләрнең эчтәлеге белән Татарстан Республикасы Юстиция министрлыгы сайтында “Коррупциягә каршы тору” бүлегенең “2012-2014 елларга Коррупциягә каршы комплекслы республика программасының үтәлешен тикшерүдә тоту” бүлекчәсендә танышырга мөмкин.

 

ТР Юстиция министрлыгының Матбугат хезмәте