«Хокук мәктәбе»ндә мәгариф турындагы законнар буенча лекцияләр укылды

Россия юристлар ассоциациясенең Татарстан төбәк бүлеге каршындагы яшь юристлар советы гамәлгә ашыра торган  «Хокук мәктәбе» проекты 2011 елда авыл мәктәпләрендә укучылар тарафыннан да, авыл мәктәпләре администрацияләре һәм укытучылары арасында да уңай бәяләнде һәм абруй казанды. «Хокук мәктәбе» уку елы башында ук Кама Тамагы районының берничә мәктәбе администрациясеннән язга быелгы чыгарылыш укучыларын “Мәгариф турында” Федераль законның һәм укучыларның йомгаклау аттестациясе һәм абитуриентларның югары һәм урта һөнәри белем бирү уку йортларына керүенә кагылышлы мәсьәләләрне җайга сала торган башка норматив хокукый актларның нигезләмәләре белән таныштырырга, дигән социаль заказ алган иде.

2012 елның 19 апрелендә билгеләнгән тема буенча ышандырылган хокук сәгатьләре Татарстан Республикасы Кама Тамагы муниципаль районының 7 мәктәбендә булды. Лекция укучылар – Казан (Идел буе) федераль университетының һәм РФ Юстиция министрлыгы Россия хокук академиясенең Казан юридик институты студентлары 9-11 сыйныф укучыларына белем алучыларның дәүләт аттестациясен үткәрү рәвешләре һәм тәртибе, илнең югары уку йортларына кабул итү тәртибе турында, уку процессыннан гына гыйбарәт булмыйча, актив спорт һәм иҗтимагый тормышны да үз эченә алган студентлар тормышы хакында да сөйләделәр.

Булачак студентлар югары уку йортларында студентларны һәрьяклы бәйләү өчен кертелә торган болон билге системасы турында хәбәрдар булды. Районның 250 укучысы һәм укытучысы ТР Юстиция министрлыгы белән Россия юристлар ассоциациясенең Татарстан төбәк бүлеге каршындагы яшь юристлар советы тарафыннан оештырылган хокук лекцияләрендә катнашты. «Хокук мәктәбе» тыңлаучылары лекцияләр барышында нигездә югары уку йортларына кабул итү кагыйдәләре һәм бәяләү системасы, шулай ук студентлар тормышының башлынгыч чорында беренче курс студентлары очраша торган төрле мәсьәләләр белән кызыксындылар. Укучыларның күп өлеше югары уку йортын һәм һөнәрен сайлаган инде, шуңа күрә лекцияләр ышануга корылган сөйләшү белән төгәлләнде. Әлеге аралашу вакытында төгәл сораулар гына түгел, ә төрле киңәшләр бирүне сораган үтенечләр дә яңгырады.

«Хокук мәктәбе» проекты 2010-2011 уку елы дәвамында үзенең киләчәктә дә эшләргә хокуклы булуын раслады һәм киләсе уку елында үзенең эшен дәвам итәчәк. Кайбер район мәктәпләре администрацияләре һәм җәмгыять белеме укытучылары «Хокук мәктәбе» лекторларын алга таба да хезмәттәшлек итәргә чакыра.

 

ТР Юстиция министрлыгының Матбугат хезмәте