Үзара мөнәсәбәт һәм федераль максатчан программаларда Татарстанның катнашуы мәсьәләләренә багышланган киңәшмә

Бүген, 2012 елның 20 апрелендә, Татарстан Республикасы Юстиция министрлыгында алтынчы чакырылыш Россия Федерациясе Федераль Җыены Дәүләт Думасы депутатларының һәм Федерация Советының Татарстан Республикасыннан әгъзалары киңәшмәсе Беркетмәсе нигезендә төзелгән 12 нче эшче төркемнең 2012 елда һәм 2012 елның 24 гыйнварыннан алып уртача вакытка үзара мөнәсәбәт һәм федераль максатчан программаларда, проектлар һәм чараларда Татарстанның катнашуы мәсьәләләренә багышланган киңәшмәсе булды. Ул Россия Федерациясе Дәүләт Думасы депутаты М.М.Галимәрданов рәислегендә үтте.

Эшче төркем киңәшмәсендә күзәтү алып барыла торган федераль максатчан программаларны: 2007-2012 елларга «Россия суд системасын үстерү» федераль максатчан программасы, «Җинаять-үтәтү системасын үстерү (2007-2016 еллар)» федераль максатчан программасы, «Дәүләт җир кадастрын һәм күчемсез милек объектларының дәүләт исәбен алып бару автоматлаштырылган системасын булдыру (2002-2008 еллар)» федераль максатчан программасын тормышка ашыру барышы һәм финанслау турында фикер алышынды.

Федераль бюджет акчасын Татарстан Республикасы икътисадына җәлеп итү юнәлешендә эшне дәвам итәргә карар кылынды һәм федераль максатчан программаларның тормышка ашырылуы өчен җаваплы җитәкчеләргә күрсәтелгән программаларның һәм бу эшне 2013 елда һәм аннан соңгы елларда уңышлы башкаруга юнәлтелгән пландагы чараларның 2012 елда гамәлгә ашырылуына кагылышлы тапшырылып бетмәгән белешмәләрне Татарстан Республикасы Икътисад министрлыгына юлларга йөкләнде.

Моннан тыш, 12 нче эшче төркем җитәкчесе М.М.Галимәрданов эшче төркемгә беркетелгән программалар исемлегенә «Россия Федерациясенең химик һәм биологик иминлеге илкүләм системасы (2009-2013 еллар)» федераль максатчан программасын кертү турында карар кабул итте.

Эшче төркемнең чираттагы киңәшмәсе агымдагы елның май аенда булачак.

 

 

ТР Юстиция министрлыгының Матбугат хезмәте