ТР юстиция министры М.М.Корманов Әгерҗе районы гражданнарын видео аша кабул итте

2012 елның 14 мае, дүшәмбе
Татарстан Республикасы юстиция министры М.М.Корманов Әгерҗе муниципаль районы гражданнарын видеоконференция элемтәсе тәртибендә кабул итте. Видеоконференция элемтәсе тәртибендә айлык кабул итү 2011 елның августыннан алып гражданнарны юстиция министры М.М.Корманов тарафыннан кабул итүнең айлык графигына кертелгән.
Видео аша кабул итү барышында Әгерҗе муниципаль районында гомер итүче 8 кеше министрга төрле сораулар бирде. Әйтик, гаиләдә ата бердәнбер туендыручы булганда, инвалид баланың атасын хезмәтеннән азат итәргә ярыймы? Әңгәмә барышында шулай ук муниципаль хезмәткәрләргә карата билгеләнгән тыю һәм чикләүләр турында сүз барды. Авыл җирлекләре башлыкларын аларның хезмәт урынындагы эшчәнлекләре белән бәйле мәсьәләләр, аерым алганда, күзәтү һәм тикшерүдә тоту органнары тарафыннан җирле үзидарә органнарының вазыйфаи затларын җаваплылыкка тарту тәҗрибәсе, гидротехник корылмаларның иминлеген тәэмин итү проблемалары, прокуратура органнары һәм җирле үзидарә органнарының үзара мөнәсәбәттә тору механизмы, район яки җирлек бюджетына муниципаль төзекләндерү кагыйдәләрен бозган өчен түләнгән штрафларның килүе кызыксындырды. ТР Юстиция министрлыгы, башка муниципаль районнар халкы һәм җирле үзидарә органнарының вазыйфаи затларына уңайлы булсын өчен, яңгыраган сорауларга җавапларны үз сайтындагы «Еш бирелә торган сораулар» бүлегенә урнаштыра.
 
ТР Юстиция министрлыгының Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International