Федераль дәүләт органнарының кадрлар бүлекчәләре хезмәткәрләрен коррупциягә каршы укыту

2012 елның 15 мае, сишәмбе
Дмитрий Медведев Кремльдән китәр алдыннан быел федераль ведомстволарның кадрлар бүлекчәләрендәге 1000 хезмәткәрне коррупциягә каршы көрәш курсларына җибәрергә әмер бирде. Элеккеге президентның соңгы күрсәтмәләреннән берсендә (документ Кремльнең рәсми сайтында басылып чыккан) каралганча, түрәләрне “Федераль дәүләт органнары кадрлар хезмәте бүлекчәләренең коррупциягә караган хокук бозуларны профилактикалау функцияләре” дигән 36 сәгатьлек программа буенча укытуга килешү Россия халык хуҗалыгы һәм дәүләт хезмәте академиясе (РХХһДХА) белән төзелгән. Хөкүмәт ел ахырында президент каршындагы Совет президиумына укыту эше нәтиҗәләрен һәм аны камилләштерү буенча тәкъдимнәрне үз эченә алган нотык бирергә тиеш була.
РХХһДХАнең “Югары идарә мәктәбе” үзәге директоры Михаил Мизулин “Ведомости” газетасына коррупция белән көрәшүчеләр өчен курсларның РХХһДХАдә инде ике ел укытылуы турында хәбәр итте. Бу чорда 1500 кеше тиешле әзерлек алырга өлгергән, а кайбер тәмамлаучылар академиягә мөгаллим булып кире әйләнеп кайткан. РХХһДХАдә коррупциягә каршы курсларны тыңлаучылар өчен махсус уку программасы эшләнгән. Ул Кремльнең дәүләт хезмәте һәм кадрлар идарәсендә килештерелгән (аерым алганда, анда тыңлаучыларга декларацияләрне тикшерү буенча чын күнекмәләр бирелүен таләп иткәннәр).
Уку планы 10 сәгать лекция һәм 26 сәгать гамәли дәрестән гыйбарәт. Мөгаллимнәр арасында – президентның Тикшерүдә тоту идарәсе, Генераль прокуратура һәм Юстиция министрлыгы хезмәткәрләре. Кадрлар белән эшләүчеләр тренинглар барышында документлар белән эшләү күнекмәләрен, полиция белән үзара мөнәсәбәттә тора алуларын шомарталар: түрәне ришвәтчелеккә тартырга тырышу очраклары турында хәбәр ЭЭМның оператив тикшерүенә тапшырылырга тиеш. Ләкин төп көч репрессив гамәлләргә түгел, ә ришвәтчелек очракларын профилактикалауга ясала, дип ассызыклады Мизулин. “Процесска бизнес-структураларны да җәлеп итү турында уйлый башладык, чөнки коррупцияне профилактикалау – ул финанс агымнары белән дөрес идарә итү дә” – дип билгеләде директор.
 “Дәүләт һәм муниципаль идарәне яңарту институты” фонды директоры Владимир Южаков кадрлар бүлекчәләренең коррупциягә каршы эш нәтиҗәлелегенең ачык күренмәвенә игътибар юнәлтте. Моның сәбәпләре, беренчедән, куела торган көчнең масштабын бәяләргә мөмкинлек бирердәй мониторинг системасының булмавында. Икенчедән, мондый хезмәтләрдә эшләүченең мөмкинлекләре чикләнгән булуда: кадрлар белән эшләүчеләрнең бу юнәлештә башкара алган иң югары гамәлләре – хокук саклау органнарына мөрәҗәгать юллау, ә аннары җавапны делога беркетеп кую. Чынлыкта исә түрәләрнең декларацияләре шкафларда тузанланып ятуларын дәвам итә. “Укыту кирәк, әмма нәрсәгәдер өйрәтү дә мөһим”, - дип кыскача йомгаклап куйды эксперт.
 
“Ведомости” газетасы буенча: http://www.vedomosti.ru/politics/news/
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International