Урта Исәнтимер мәктәбеннән кунаклар килде

2012 елның 22 мае, сишәмбе
Ульяновск өлкәсенең Урта Исәнтимер урта мәктәбендә укучылар ел саен уку елы ахырында үзләренең танылган якташлары  - Татарстан Республикасы юстиция министры М.М.Корманов янына кунакка килеп китәләр. Мидхәт Мәзгут улын әлеге мәктәп белән яшьлек еллары бәйли: ул аны 1974 елда тәмамлаган.
Бүген исә Урта Исәнтимер мәктәбе укучыларыннан гыйбарәт делегация, урнашкан гадәт буенча, юстиция министры М.М.Кормановта кунакта. Министр балалар белән танышу өчен үзенең эш бүлмәсендә очрашты, аннары кунаклар өчен Кремльгә һәм Җиңү паркына экскурсия оештырылды. Җиңү паркына бару аеруча дулкынландыргыч булды. Укучылар монда хәрби техникалар янында истәлеккә фотога төштеләр. Моннан тыш карусельләрдә атындылар, туңдарма ашадылар, тәмле җимеш сулары эчтеләр. Балалар шулай ук “Шүрәле” аттракционнар паркында булдылар, анда һәркем үз яшенә туры килгән күңел ачу урынын тапты. Кыскасы, алар үзләрен могҗизалар дөньясына килеп кергән Алисадай хис итте. Укучылар барлык чаралардан да фәкать уңай тәэсир алды.
Мәктәп укучыларының Казан белән танышуы Татарстан Республикасы Хөкүмәте Йортында төгәлләнде. Кыска вакытлы ялдан һәм төшке аштан соң Ульяновск делегациясе өенә – Урта Исәнтимергә кайтып китте. Мидхәт Мәзгут улы исә туган җиреннән килгән иң кече кунакларга, истәлек итеп, мәктәп кирәк-яраклары бүләк итте. Безнең республика башкаласында кунак булулары турында хәтерне алар фотографияләр яздырылган дискны карап яңартырлар.
.
ТР Юстиция министрлыгының Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International