ТР Әтнә районы җирле үзидарә органнарына юридик ярдәм күрсәтелде

2012 елның 22 маенда Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән үзара хезмәттәшлек оештыру департаменты белгечләре Әтнә муниципаль районында җирле үзидарә органнарына мәгълүмат-консультация бирү буенча юридик ярдәм күрсәтте, шулай ук коррупциягә каршы экспертиза үткәрүне һәм административ комиссиянең эшен оештыруны тикшерде.

Район җитәкчелеге Олы Әтнә авыл җирлегендә барлык район авыл җирлекләренең очрашуын оештырды. Аның барышында авыл җирлекләренең вазыйфаи затларына хокукый ярдәм күрсәтелде.

Җирлек башлыкларына федераль һәм республика законнарындагы соңгы үзгәрешләр, аерым алганда, “Коррупциягә каршы тору өлкәсендә дәүләт тарафыннан идарә итүне камилләштерү белән бәйле рәвештә Россия Федерациясенең аерым закон актларына үзгәрешләр кертү турында” 2011 елның 21 ноябрендәге 329-ФЗ номерлы Федераль закон нигезендә коррупциягә каршы тору өлкәсендә муниципаль норматив хокукый актлар эшләү һәм кабул итү зарурлыгы турында мәгълүмат бирелде. Җирлек башлыклары белән шулай ук җирле үзидарә органнары һәм күзәтү органнарының үзара мөнәсәбәтләре механизмы һәм гидротехник корылмаларның куркынычсызлыгын тәэмин итүгә кагылышлы булган мәсьәләләр турында фикер алышынды.

Башлыклар белән очрашуда Әтнә муниципаль районы Башлыгы урынбасары Л.А.Гарапова катнашты.

Тапшырылган дәүләт вәкаләтләренең җирле үзидарә органнары тарафыннан башкарылуын тикшерүдә тоту максатында, Департамент белгечләре Әтнә муниципаль районы административ комиссиянең эшчәнлеген тикшерде. Тикшерү барышында административ хокук бозулар турында федераль һәм республика законнары, шул исәптән “Муниципаль районнарның һәм шәһәр округларының җирле үзидарә органнарына административ комиссияләр төзү һәм аларның эшчәнлеген оештыру буенча Татарстан Республикасы дәүләт вәкаләтләрен бирү турында” 2005 елның 30 декабрендәге 144-ТРЗ номерлы Татарстан Республикасы Законы таләпләренең үтәлеше өйрәнелде.

Административ комиссия тарафыннан хокукка кагылышлы консультацияләр, аның эшчәнлеген алга таба камилләштерүгә һәм административ хокук бозуларны бетерү гамәлләрен профилактикалауны көчәйтүгә юнәлтелгән тиешле теләк-тәкъдимнәр бирелде.

Муниципаль норматив хокукый актларга һәм аларның проектларына коррупциягә каршы экспертиза үткәрүнең оештырылуын өйрәнү максатларында, әлеге эшнең Әтнә муниципаль районында торышы тикшерелде.

Муниципаль норматив хокукый актларга һәм аларның проектларына коррупциягә каршы экспертиза үткәрү өчен җаваплы вазыйфаи затларның эшенә анализ 2011 елның 1 кварталы һәм 2012 елның 1 кварталы нәтиҗәләреннән чыгып ясалды.

 

ТР Юстиция министрлыгының Матбугат хезмәте