Коррупциягә каршы комплекслы республика программасы гамәлләренең тормышка ашырылуын тикшерү турында

2012 елның 25 мае, җомга
Быелның 24 маенда 2012-2014 елларга Коррупциягә каршы комплекслы республика программасы гамәлләренең үтәлешен тикшерү графигы нигезендә Татарстан Республикасы Юстиция министрлыгының мәгълүмат-аналитика эше, координацияләү һәм планлаштыру бүлеге хезмәткәрләре “Татмедиа” матбугат һәм массакүләм коммуникацияләр агентлыгында тикшерү үткәрде.
Тикшерү барышында Агентлыкның коррупциягә каршы тору өлкәсендәге эшчәнлегенең ике юнәлеше өйрәнелде:
- Татарстан Республикасының барлык башкарма хакимият органнарына беркетелгән программа гамәлләренең үтәлеше;
- җаваплы башкаручысы итеп фәкать “Татмедиа” агентлыгы билгеләнгән программа гамәлләренең үтәлеше.
Беренче юнәлеш буенча мәсьәләләрне тикшергәндә, Министрлык белгечләре программадагы аерым пунктларның тормышка ашырылу үзенчәлекләренә, аерым алганда, җитәкче каршында оештырылган коррупциягә каршы тору комиссиясенең һәм дәүләт граждан хезмәткәрләренең хезмәт урыннарында үз-үзләрен тотуга карата таләпләрнең үтәлеше һәм мәнфәгатьләр каршылыгын җайга салу буенча комиссиянең эшләвенә игътибар бирелде.
Икенче юнәлеш буенча Агентлыкка 7 программа гамәлен башкару йөкләнгән. Министрлык белгечләре һәрберсенең үтәлү дәрәҗәсе белән танышып чыкты. Аерым алганда, республика массакүләм мәгълүмат чаралары арасында коррупциягә каршы тору мәсьәләләрен иң яхшы яктыртуга махсус журналистлар бәйгесенә әзерлек (Программа гамәлләре исемлегенең 4.4 пункты) һәм халыкка коррупциягә каршы тору мәсьәләләре буенча хокукый белем тарату буенча телевизион тапшыру эшләү буенча (Программа гамәлләре исемлегенең 4.9 пункты) материаллар карап тикшерелде.
Тикшерүнең башлангыч нәтиҗәләре һәм коррупциягә каршы тору өлкәсендә Агентлык эшчәнлеген камилләштерү буенча гомуми теләк-тәкъдимнәр ММЧ белән эшләү идарәсе җитәкчесе М.Ю. Гыйльмиевка юлланды.
Үткәрелгән тикшерү нәтиҗәләре буенча мәгълүмат (белешмә) белән Татарстан Республикасы Юстиция министрлыгы сайтындагы  “Коррупциягә каршы тору” бүлегенең “2012-2014 елларга коррупциягә каршы комплекслы республика программасының үтәлеше” бүлекчәсендә танышырга мөмкин.
 
ТР Юстиция министрлыгының Матбугат үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International