ТР Бөгелмә һәм Ютазы муниципаль районнарында хокук бозуларны профилактикалау эшен оештыру турында

Татарстан Республикасы Премьер-министры урынбасары, Татарстан Республикасы Хөкүмәтенең Хокук бозуларны профилактикалау комиссиясе рәисе Ә.Ә.Сәфәров йөкләмәсе нигезендә 2012 елның 18 - 20 сентябрь көннәрендә Татарстан Республикасы Хөкүмәтенең Хокук бозуларны профилактикалау комиссиясенең эш төркеме тарафыннан Татарстан Республикасы Бөгелмә һәм Ютазы муниципаль районнарында   хокук бозуларны профилактикалау буенча эшне оештыру торышын өйрәнү буенча Татарстан Республикасы юстиция министры М.М.Корманов җитәкчелегендә комплекслы күчмә тикшерү үткәрелде.

Әлеге чаралар барышында югарыда күрсәтелгән районнарның җирле үзидарә органнары тарафыннан 2011-2014 елларга Татарстан Республикасында хокук бозуларны профилактикалау буенча комплекслы программа чараларының үтәлеше, шулай ук алкоголизм һәм наркоманияне профилактикалау буенча җирле үзидарә органнары эшчәнлеге тикшерелде. Төрле министрлык һәм ведомство вәкилләреннән гыйбарәт эш төркеме әгъзалары муниципаль районнарда хокук бозуларны профилактикалау эшенең ничек оештырылуын өйрәнделәр.

“Муниципаль районнарның һәм шәһәр округларының җирле үзидарә органнарына административ комиссияләр төзү һәм аларның эшчәнлеген оештыру буенча Татарстан Республикасы дәүләт вәкаләтләрен бирү турында” 2005 елның 30 декабрендәге 144-ТРЗ номерлы Татарстан Республикасы Законы нигезендә Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты белгечләре әлеге комплекслы тикшерү кысаларында югарыда аталган районнарның административ комиссияләре эшчәнлеген тикшерде.

Комплекслы тикшерү барышында Департамент белгечләре тарафыннан  Бөгелмә һәм Ютазы муниципаль районнарында җирле үзидарә органнарының муниципаль норматив хокукый актларга һәм аларның проектларына коррупциягә каршы экспертиза ясау эшчәнлегенең ничек оештырылуы өйрәнелде.

Тикшерү нәтиҗәләре хакында министр урынбасары - Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты җитәкчесе М.М.Ибәтов һәм ТР буенча Эчке эшләр министрлыгының Татарстан Республикасы башкарма хакимияте органнары һәм җирле үзидарә органнары белән үзара мөнәсәбәттә тору бүлеге җитәкчесе Н.Ю.Котикова катнашында узган киңәшмәдә фикер алыштылар. Җирле үзидарә органнарына хокукый ярдәм күрсәтелде һәм профилактика субъеклары эшендә булган кимчелекләрне бетерүгә караган теләк-тәкъдимнәр бирелде.

Моннан тыш, әлеге рай        оннарда халыкка хокукый ярдәм күрсәтү максатларында, юстиция министры урынбасары – Департамент җитәкчесе М.М.Ибәтов гражданнарны шәхси кабул итте.

 

ТР Юстиция министрлыгының матбугат хезмәте