ТР Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаментында белгечләрне укыттылар

Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаментына яшь белгечләрнең килүе, шулай ук җирле үзидарә органнары эшчәнлегенә хокукый ярдәм күрсәтү юнәлешләре спектрының киңәюе, законнардагы даими үзгәрешләр Департаментка яңа килгән һәм анда эшләүче белгечләр өчен системалы укулар оештыру ихтыяҗын тудырды. Министрлык җитәкчелеге җарле үзидарә органнары эшчәнлегенә хокукый ярдәм күрсәтү, җирле үзидарә органнары эшчәнлеге өлкәсендә аналитик һәм норматив-методик, хокукый тәэмин итү һәм тикшереп тору бүлекләре компетенциясенә кергән җирле үзидарә мәсьәләләре буенча дәресләр уздырырга кирәк, дип хәл итте.

24 сентябрьдә Департаментның җирле үзидарә органнары эшчәнлегенә хокукый ярдәм күрсәтү бүлеге белгечләре әзерләгән һәм уздырган беренче дәрес узды. Анда террорчылык һәм экстремизмны профилактикалауда, шулай ук муниципаль берәмлекләр чикләрендә террорчылык һәм экстремизм күренешләренең аяныч нәтиҗәләрен киметү һәм (яки) бетерүдә җирле үзидарә органнарының катнашу мәсьәләсе каралды.

Укуда югарыда күрсәтелгән теманың мөһим мәсьәләләре аерым-аерым карап тикшерелде, норматив-хокукый базага күзәтү ясалды, “Россия Федерациясендә җирле үзидарә органнарын оештыруның гомуми принциплары турында” 2003 елның 6 октябрендәге 131-ФЗ номерлы һәм “Террорчылыкка каршы тору турында” 2006 елның 6 мартындагы 35-ФЗ номерлы Федераль законнар кысаларында муниципаль органнарның вәкаләтләре өйрәнелде, Департамент белгечләре җирле үзидарә органнарының террорчылык һәм экстремизмга каршы тору буенча хокукларын гамәлгә ашыру өлешендә аларга хокукый ярдәм күрсәтә алган мәсьәләләр даирәсе билгеләнде.

Департамнт шушы рәвештәге укуларны алга таба да уздырырга уйлый.

 

ТР Юстиция министрлыгының матбугат хезмәте