Апас муниципаль районы җирле үзидарә органнарына хокукый һәм методик ярдәм күрсәтү
2012 елның 26 сентябре, чәршәмбе
2012 елның 24 сентябрендә Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты хезмәткәрләре, муниципаль районның җирле үзидарә органнарына хокукый һәм методик ярдәм күрсәтү өчен, Апас муниципаль районына барып кайттылар.
Чара барышында Департамент хезмәткәрләре җирле үзидарә турындагы законнардагы соңгы яңалыклар турында мәгълүмат бирделәр, шулай ук Апас муниципаль районы Советының юридик бүлеге җитәкчесе җиткергән проблемалары мәсьәләләрне карадылар. Алар, нигездә, муниципаль районның һәм аның составына керүче җирлекләрнең җирле үзидарә органнары вәкаләтләрен тормышка ашыру барышында барлыкка килә.
Җирле үзидарә органнары эшчәнлегендәге аерым юнәлешләренә элек үткәрелгән анализны исәпкә алып, Департамент хезмәткәрләре районның административ комиссияләре эшчәнлеген оештыру, муниципаль норматив хокукый актларга һәм аларның проектларына коррупциягә каршы экспертиза үткәрү, Татарстан Республикасында дини экстремизмны профилактикалау һәм аңа каршы тору буенча кирәкле чаралар күрүгә кагылышлы киңәшләрен бирделәр.
“Коррупциягә каршы тору өлкәсендә дәүләт идарәсен камилләштерүгә бәйле рәвештә Россия Федерациясенең аерым закон актларына үзгәрешләр кертү турында” 2011 елның 21 ноябрендәге 329-ФЗ номерлы Федераль законның нигезләмәләрен тормышка ашыру буенча кирәкле чаралар күрүгә аерым игътибар бирергә тәкъдим ителде.
Күрсәтелгән юнәлешләр буенча эшне алга таба камиләштерү юллары районның җирле үзидарә органнарының вазыйфаи затлары белән бергә билгеләнде.
ТР Юстиция министрлыгының матбугат хезмәте
.jpg)
.jpg)
.jpg)
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз