Олы яшьтәге гражданнарга хокукый ярдәм күрсәтү

БМО Генераль Ассамблеясе карары буенча 1991 елдан алып һәр ел саен 1 октябрьдә Халыкара өлкәннәр көне билгеләп үтелә. Әлеге көннең төп максаты – өлкәннәр проблемаларына игътибарны җәлеп итү.

Моңа бәйле рәвештә, 2012 елның 6 октябрендә Халыкара өлкәннәр көненә багышланган декада кысаларында Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне тәэмин итү департаменты хезмәткәрләре тарафыннан Лаеш муниципаль районының Орел авыл җирлегендә өлкән яшьтәге гражданнар белән очрашу оештырылды.

Департамент белгечләре эш сәфәренә җитди хәзерләнделәр. Очрашу Орел авыл җирлеге башлыгы ярдәме белән оештырылды. Анда җирлек башлыгы Фетилина Валентина Ивановна үзе һәм җирлек ветераннары катнашты. Чара җылы мохиттә узды: сөйләшүләр барышында ветераннар Департамент хезмәткәрләре тарафыннан әзерләнгән чәй тәм-томы, бәлешләрдән авыз иттеләр.

Очрашу барышында ветераннарга аларны иң кызыксындырган сораулар буенча консультация-хокук ярдәме күрсәтелде.

Борчыган мәсьәләләр нигездә җирле әһәмияткә ия: электр, газ белән тәэмин итүне оештыру, җирлек халкының бергә җыелып ял итүе өчен шартлар тудыру һәм халыкның җыелып ял итү урыннарын төзекләндерү, гражданнарның гомуми файдаланудагы су объектларына һәм аларның яр буе полосаларына ирекле керә алуын тәэмин итү, көнкүреш калдыкларын һәм чүп-чарны җыю һәм чыгаруны оештыру, күмү хезмәте күрсәтүне һәм җирләү урыннарын оештыру. Табигатьне саклау законнарының үтәлеше темасы, шулай ук мирас алу мәсьәләләре дә игътибардан читтә калмады.

Әңгәмә барышында ветераннар җирлек башлыгының кайбер нотариаль гамәлләр кылырга хокуклы булуын һәм әлеге гамәлләрне күрше авыл җирлегенә мөрәҗәгать итмичә дә башкарып булуны белделәр.

Авыл җирлеге башлыгына консультация-хокук ярдәме күрсәтү максатларында, Россия Федерациясе Президентының “Дәүләт идарәсе системасын камилләштерүнең төп юнәлешләре турында” 2012 елның 7 маендагы 601 номерлы Указында белән җирле бюджетларның бюджетын тәэмин итүне күтәрү эше кысаларында 2012 елның 1 декабренә кадәр җирлекләрнең бюджетлары керемнәренә җирлек һәм шәһәр округларының территорияләрен төзек тоту кагыйдәләрен үтәмәгән өчен акчалата түләүләрнең (штрафларның) 100 процентын күчерү каралган булу турында аңлатылды.

Җылы очрашу 3 сәгать дәвам итте.

Ахырда җирлек халкы алга таба да үзләренә хокукый киңәшләр һәм консультацияләр бирүне үтенделәр.

 

ТР Юстиция министрлыгының матбугат хезмәте