Хокук мәсьәләләре буенча ведомствоара координацияләү комитеты утырышы турында

10 октябрьдә Татарстан Республикасы Министрлар Кабинетының киңәшмәләр залында Хокук мәсьәләләре буенча ведомствоара координацияләү комитеты утырышы булды.

Утырышта 5 мәсьәлә каралды:

Татарстан Республикасында күчемсез милек объектларына дәүләт кадастр хакын билгеләү һәм дәүләт кадастр хакы билгеләү нәтиҗәләренә кагылышлы мәсьәләләрне карау буенча ведомствоара комиссиянең һәм Казан шәһәрендә җир кишәрлекләренең кадастр һәм базар хакларын тигезләүгә ирешү буенча Казан шәһәре башкарма комитетының тәкъдимнәре турында. Җир кишәрлекләренең кадастр һәм базар хакларын тигезләү мәсьәләләрен хәл итүдә вәкаләтләре булган Татарстан Республикасы министрлыклары һәм ведомстволарының эшчәнлегенә бәя бирү турында Татарстан Республикасы икътисад министры урынбасары М.Д.Шәрифуллин чыгыш ясады. Аның нотыгы тыңлангач, Казан шәһәрендәге җир кишәрлекләренә хак бирүдә барлыкка килгән четерекле мәсьәләләрне хәл итү юлларын эзләү максатларында атна саен ведомствоара комиссия эшен дәвам итәргә тәкъдим ясалды.

Татарстан Республикасында бир кишәрлекләренә хак билгеләү буенча экспертлар төркемен төзү мәсьәләсе, аның буенча тиешле материалларның әзер булмавы сәбәпле, карауга кертелмәде. Моңа бәйле рәвештә Татарстан Республикасы Юстиция министрлыгына Комитет карарларын һәм Татарстан Республикасы Премьер-министрының беренче урынбасары, Комитет рәисе Р.Ф.Моратов йөкләмәләренең үтәлешен тикшерүдә тотуны көчәйтергә, дигән күрсәтмә бирелде.

Татарстан Республикасы Арбитраж суды карарына апелляция шикаяте буенча материалларның әзерлеге турында Татарстан Республикасы юстиция министры М.М.Корманов җиткерде.

Комитет утырышында шулай ук түбәндәге закон проектлары өйрәнелде:

1. “Татарстан Республикасы муниципаль номатив хокукый актлары регистры турында” Татарстан Республикасы Законының 3 һәм 4 статьяларына үзгәрешләр кертү хакында” Татарстан Республикасы законы проекты.

2. “Физик культура һәм спорт турында” Татарстан Республикасы Законының 27 статьясына үзгәреш кертү хакында” Татарстан Республикасы законы проекты.

Ике закон проекты да хупланды һәм аларны эшләүчеләр тарафыннан Татарстан Республикасы Министрлар Кабинетына кертергә дигән тәкъдим ясалды.

 

ТР Юстиция министрлыгының матбугат хезмәте