Татарстан Республикасы Юстиция министрлыгы каршындагы Иҗтимагый совет утырышы турында

18 октябрьдә Татарстан Республикасы Юстиция министрлыгы каршындагы Иҗтимагый советның чираттагы утырышы булды. Утырышны Иҗтимагый совет рәисе А.Г.Гатауллин алып барды.

Утырышта, Иҗтимагый совет әгъзалары белән беррәттән, Татарстан Республикасы юстиция министры М.М.Корманов һәм Татарстан Республикасы юстиция министрының беренче урынбасары С.Н.Столяров катнашты. Иҗтимагый совет әгъзалары, Татарстан Республикасы Президенты Р.Н.Миңнехановның Татарстан Республикасы Дәүләт Советына Юлламасында билгеләнгән тәкъдимнәрне исәпкә алып, Иҗтимагый совет эшчәнлеген активлаштыру мәсьәләсе турында фикер алыштылар.

Шулай ук утырышта Иҗтимагый советка кагылышлы булган ике мөһим норматив хокукый акт, шул исәптән РФ Президентының “Дәүләт идарәсе системасын камилләштерүнең төп юнәлешләре турында” 2012 елның 7 маендагы 601 номерлы Указы (алга таба – Указ) каралды.

Югарыда аталган Указ нигезендә Россия Федерациясе дәүләт хакимияте органнары каршында иҗтимагый советлар булдыруның яңа механизмнарын уйлап табу күз алдында тотыла.

Указда шулай ук дәүләт хезмәтен үзгәртеп кору һәм үстерү кысаларында, Россия Федерациясе дәүләт хакимияте органнары каршындагы иҗтимагый советлар вәкилләренең әлеге органнарның конкурс һәм аттестация комиссияләре эшчәнлегендә тигез хокуклы катнашу мөмкинлеге карала.

Әлеге Указны үтәү өчен Россия Федерациясе Хөкүмәтенең “Норматив хокукый актларның һәм Федераль башкарма хакимият органнары тарафыннан эшләнгән һәм бу федераль башкарма хакимият органнары каршындагы иҗтимагый советлар утырышларында алдан фикер алышмыйча кабул ителә алмаган бүтән документларның составын раслау турында” 2012 елның 1 сентябрендәге 877 номерлы карары чыгарылды.

Югарыда бәян ителгәннәрне исәпкә алып, Иҗтимагый совет утырышында Татарстан Республикасы Юстиция министрлыгының конкурс комиссиясенә Министрлык каршындагы Иҗтимагый совет рәисе А.Г.Гатауллинны кертү турында, шулай ук Татарстан Республикасында ведомстволардагы иҗтимагый советлар оештыруга һәм эшчәнлегенә кагылышлы тиешле региональ норматив хокукый актлар эшләү һәм кабул итүне инициативалау турында килештерелгән карар кабул ителде.

ТР Юстиция министрлыгының матбугат хезмәте