Вахитов районы җәмәгать судьяларында өй туе

2012 елның 19 октябре, җомга
Кичә ТР юстиция министры Мидхәт Корманов, министр урынбасары Надежда Рагозина Казан мэры Илсур Метшин, ТР Югары Суды Рәисе Илгиз Гыйләҗев һәм Казан шәһәренең Вахитов район суды рәисе Фәнис Мусин белән берлектә Казан шәһәре Вахитов районы җәмәгать судьяларының Коротченко урамы, 2 йорт адресы буенча урнашкан яңа бинасын карадылар.
Җәмәгать судьяларын урнаштыру мәсьәләсе, ТР Җир һәм мөлкәт мөнәсәбәтләре министрлыгында аларга туры килгән бина һәм урыннарның булмавы сәбәпле, озак вакытлар хәл ителмичә торды. Җирле үзидарә органнарының актив ярдәме нәтиҗәсендә әлеге бина Вахитов районы җәмәгать судьяларының суд участокларын урнаштыру өчен Юстиция министрлыгына түләүсез файдалануга тапшырылды.
Бу бинага Казан шәһәре Вахитов районы җәмәгать судьяларының 4 суд участогы урнаштырылды. Алар элек Нариманов урамындагы 63 йорт адресы буенча норматив таләпләргә туры килмәгән бинада иделәр.
Хәзер инде судьяларның һәм аларның аппаратлары хезмәткәрләренең яңа эш шартлары гаять уңай: суд утырышлары залы, архив, җәмәгать судьясының эш бүлмәсе, яңа җиһаз белән җиһазландырылган иркен эш бүлмәләре, конвой бүлмәсе, үз ашханәсе бар. Шулай ук яңа бинаның урнашу урыны да Вахитов районы гражданнары өчен бик җайлы.
 
ТР Юстиция министрлыгының матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International