Татарстан Республикасы юстиция министры М.М. Кормановның Яз һәм Хезмәт бәйрәме белән котлавы

Хөрмәтле хезмәттәшләр! Кадерле дуслар!
Татарстан Республикасы Юстиция министрлыгы коллективы исеменнән һәм шәхсән үз исемемнән сезне Яз һәм Хезмәт бәйрәме белән чын күңелемнән котлыйм!
Беренче Май — Язга, Хезмәткә һәм халык өчен уңайлы тормыш иҗат итүче Кешегә мәдхия ул.
Бу – язгы яңарыш, хезмәт кешесен олылау һәм киләчәккә өметләр баглау бәйрәме.
Беренче Май шигарьләре элеккегечә үк актуаль: Тынычлык һәм Хезмәт — теләсә кайсы дәүләтнең чәчәк ату нигезе, аның гражданнарының тотрыклылыгы һәм гүзәл киләчәге чыганагы.
Май бәйрәмнәре алып килгән күңел күтәренкелеге безгә яшәү дәрте, үз мөмкинлекләребезгә ышану һәм көч-куәт өсти.
Сезгә һәм сезнең гаиләләрегезгә бәхет-шатлык, нык сәламәтлек, илгә-көнгә тынычлык, мул тормыш һәм хыялларыгыз тормышка ашуны телим! Киләчәк көннәрегез якты-кояшлы булсын!