Хокук мәсьәләләре буенча ведомствоара координация комитетының Экспертлар советы утырышы
Юстиция министрлыгында Хокук мәсьәләләре буенча ведомствоара координация комитетының Экспертлар советы утырышы узды. Утырышны юстиция министры Рөстәм Заһидуллин үткәрде.
Экспертлар советы әгъзалары Татарстан Республикасы законнарының түбәндәге проектларын карадылар:
“Балигъ булмаганнарның җәмәгать тәрбиячеләре турында” Татарстан Республикасы Законының 3 статьясына үзгәрешләр кертү хакында”;
“Татарстан Республикасында урманнардан файдалану турында” Татарстан Республикасы Законының 3 статьясына һәм Татарстан Республикасы Экология кодексының 2 һәм 8 статьяларына үзгәрешләр кертү хакында”.
“Балигъ булмаганнарның җәмәгать тәрбиячеләре турында” Татарстан Республикасы Законының 3 статьясына үзгәрешләр кертү хакында” Татарстан Республикасы законы проекты федераль законнардагы үзгәрешләргә туры китерү һәм Татарстан Республикасында балигъ булмаганнарның җәмәгать тәрбиячеләре институтын камилләштерү максатларында эшләнгән.
Үзгәрешләр җәмәгать тәрбиячесен башка нигезләр буенча профилактик исәптә торучы балигъ булмаганнарга беркетергә мөмкинлек бирәчәк. Бу категориягә җәмәгать тәрбиячеләрен беркетү ата-аналарга, беренче чиратта, белем бирү оешмаларына сәбәпсез йөрмәгән укучылар арасыннан булган затларга күрсәтелгән оешмаларда, җәмгыятьтә һәм көнкүрештә үз-үзләрен тоту кагыйдәләрен үтәүдә балигъ булмаганнарны тәрбияләүдә ярдәм күрсәтү өчен кирәк.
Утырыш нәтиҗәләре буенча ике закон проекты да Эксперт советы әгъзалары тарафыннан хупланды.