Юл хәрәкәтнең яшь инспекторлары отрядлары оешуга 50 ел
Юл хәрәкәтнең яшь инспекторлары отрядлары үз тарихын 1973 елның 6 мартында башлый. Бу көнне ВЛКСМ Үзәк Комитеты Секретариаты, СССР Эчке эшләр министрлыгы коллегиясе һәм СССР Мәгариф министрлыгы карары белән Хәрәкәтнең яшь инспекторлары отрядлары турында нигезләмә расланган.
1973 ел ахырына ХЯИнең 14 меңгә якын отряды эшли башлый, аларның слетлары һәм ярышлары оештырыла. Ике елдан соң “Орленок” лагеренда хәрәкәтнең яшь инспекторларының I Бөтенроссия слеты була.
Татарстан Республикасы хәрәкәтенең яшь инспекторлары үзләрен ил күләмендә беренче тапкыр 1986 елда таныттылар. Нәкъ шул вакытта республика командасы “Имин тәгәрмәч” Бөтенроссия велосипедчылар ярышларында җиңүче була. Бүген Татарстанда ХЯИнең 1500 отряды актив эшли, алар үз сафларында 19 мең баланы берләштерә.
ХЯИ хәрәкәте активистлары Дәүләт автоинспекциясе хезмәткәрләре һәм “Юл хәрәкәте иминлеге” ДБИ хезмәткәрләре ярдәме белән мәгариф оешмаларында балалар белән юл хәрәкәте кагыйдәләре буенча аңлату эшләре алып баралар, пропаганда материаллары чыгаралар, юл хәрәкәте иминлеге өчен агитация алып баралар, балаларның юл хәрәкәте кагыйдәләрен бозуларын кисәтү буенча рейдларда катнашалар, яктылык кайтара торган элементлар тараталар һәм юлда күренеп тору өчен аларны ничек дөрес кулланырга икәнлеген аңлаталар.
“Имин тәгәрмәч” конкурсларында юл хәрәкәте кагыйдәләрен белү, беренче ярдәм күрсәтү күнекмәләре, төрле фигуралы киртәләрдә һәм автошәһәрдә велосипед белән идарә итү осталыгы күрсәтелә.
2017 елдан балалар сәламәтләндерү лагеренда ХЯИ отрядларының бушлай профильле сменасы үткәрелә. Чараларны мәгълүмати-пропагандалау өчен 2018 елның 4 декабрендә Казанда, Чаллыда һәм Әлмәттә ХЯИның өч балалар матбугат үзәге ачылды. 2020 елдан ХЯИ отрядлары җитәкчеләре педагоглары эшчәнлеге өстәмә рәвештә акчалата премия белән стимуллаштырыла. Ел саен республика конкурслары, вебинарлар һәм форумнар үткәрелә.