Мөлкәти булмаган характердагы таләпләрне үтәү буенча киңәшмә
Юстиция министры урынбасары Мөхәррәм Ибәтов рәислегендә мөлкәти булмаган характердагы таләпләрне һәм бурычлы затлар булып җәмәгать хакимияте органнары, дәүләт һәм муниципаль учреждениеләр торган суд карарларын үтәүне мониторинглау буенча видеоконференция режимында киңәшмә узды.
Отчет реестрларын ЯндексДиск сервисы ярдәмендә цифрлаштыру мәсьәләсе каралды, бу мөлкәти булмаган таләпләр буенча мәгълүмат җыю һәм мониторинг процессын оптимальләштерергә мөмкинлек бирәчәк.
Облако сервисында реестрларны тутыру буенча доклад белән җирле үзидарә өлкәсендә территориаль оештыру һәм контрольне гамәлгә ашыру мәсьәләләре буенча бүлек башлыгы Гөлнара Касыймова чыгыш ясады. Тутырыла торган реестрлар буенча ышанычлы мәгълүмат бирү һәм куелган бурычларга җаваплы мөнәсәбәт кирәклегенә игътибар юнәлтелде. Җирле үзидарә органнары һәм дәүләт хакимияте башкарма органнары белән алга таба хезмәттәшлек итүнең ысуллары билгеләнде.