Муниципаль актларны регистрга җибәрү буенча эш нәтиҗәләре каралды
Юстиция министры урынбасары Мөхәррәм Ибәтов Юстиция министрлыгына муниципаль норматив хокукый актлар керү мәсьәләсе буенча видео-конференц-элемтә режимында киңәшмә үткәрде.
Чарада муниципаль район башлыклары урынбасарлары, шулай ук муниципаль регистрга кертү өчен мәгълүмат җыю һәм җибәрү өчен җаваплы затлар катнашты.
Җирле үзидарә һәм муниципаль регистрны алып бару өлкәсендә норматив хокукый эш бүлеге башлыгы Ралия Гарифуллина җирле үзидарә органнарының агымдагы елның 10 аенда эш нәтиҗәләре турында хәбәр итте.
Мөхәррәм Ибәтов Бөгелмә, Кукмара, Лаеш, Мөслим районнарының җаваплы кешеләренең хисапларын тыңлады.
Чара нәтиҗәләре буенча җирле үзидарә органнарына муниципаль регистрда кабул ителгән актларның булуын тәэмин итү буенча тәкъдимнәр, шулай ук алар турында өстәмә мәгълүмат бирелде.