Татарстан Республикасы Дәүләт Советы Законлылык һәм хокук тәртибе комитеты утырышында

Кичә, 2013 елның 17 сентябрендә, Татарстан Республикасы Дәүләт Советы Законлылык һәм хокук тәртибе комитеты утырышы узды, анда “Татарстан Республикасында муниципаль берәмлекләрнең җирле үзидарә органнарына административ хокук бозулар турында беркетмәләр төзергә вәкаләтле вазыйфаи затлар исемлеген билгеләү буенча дәүләт вәкаләтләрен бирү турында” Татарстан Республикасы Законын гамәлгә ашыру буенча Татарстан Республикасы Юстиция министрлыгы эше хакында”гы мәсьәлә каралды. 

Фикер алышына торган мәсьәлә буенча Комитет утырышында нотык белән Татарстан Республикасы юстиция министры М.М. Корманов чыгыш ясады. Үзенең чыгышында ул депутатларга әлеге Татарстан Республикасы Законын гамәлгә ашыру буенча, аерым алганда, җирле үзидарә органнарына тапшырылган дәүләт вәкаләтләрен гамәлгә ашырганда барлыкка килә торган мәсьәләләр буенча аларга хокукый ярдәм күрсәтү турында Министрлык башкарган эш хакында мәгълүмат бирде. Шулай ук аның нотыгында җирле үзидарә органнарының административ хокук бозулар турында беркетмәләр төзергә вәкаләтле вазыйфаи затлары эшчәнлегенең 2013 елның беренче яртыеллыгындагы нәтиҗәләре чагылдырылган иде.   

Чыгыш тексты белән Татарстан Республикасы Юстиция министрлыгы сайтының “Министрның рәсми чыгышлары” бүлегендә танышырга мөмкин.  

ТР Юстиция министрлыгы Матбугат үзәге