Юстиция министрлыгы хезмәткәрләре үз ветераннарын искә алдылар
Традиция буенча, Җиңү көне алдыннан Татарстан Республикасы Юстиция министрлыгы хезмәткәрләре Министрлыкның элеккеге җитәкчеләрен - Бөек Ватан сугышында катнашучыларны җирләү урыннарын тәртипкә китерәләр.
Юстиция министрлыгы хезмәткәрләре үз көчләре һәм эш кирәк-яраклары белән каберлекләрне кыштан соң җыелган чүп-чар, коры ботаклар һәм чит әйберләрдән, тузаннан чистарттылар. Аннары анда чәчәкләр салдылар, шулай итеп Ватанны саклаучылар истәлегенә хөрмәт күрсәттеләр.
“Бөек Ватан сугышында Җиңү көнен бәйрәм итү алдыннан инде күп еллар дәвамында бу изге бурыч ветераннарыбызга рәхмәт йөзеннән үтәлә. Бу безнең уртак хәтеребез һәм аны сакларга кирәк. Бу мөһим эш, чөнки шулай итеп без киләчәгебез өчен гомерләрен биргән кешеләргә хөрмәт күрсәтәбез”, - дип билгеләп үтте Татарстан Республикасы юстиция министры урынбасары Надежда Рагозина.