Юстиция министрлыгы Татарстанның тапшырылган аерым дәүләт вәкаләтләрен гамәлгә ашыру мәсьәләләре буенча җирле үзидарә органнары белән эшләүгә йомгак ясады
Бүген ТР Юстиция министрлыгында коллегия утырышы узды, анда Юстиция министрлыгының җирле үзидарә органнары белән Татарстан Республикасының тапшырылган аерым дәүләт вәкаләтләрен гамәлгә ашыру мәсьәләләре буенча эш йомгаклары буенча фикер алыштылар. Утырыш Татарстан Республикасы юстиция министры Рөстәм Заһидуллин җитәкчелегендә узды.
Министр урынбасары Мөхәррәм Ибәтов доклад белән чыгыш ясап, Татарстан җирле үзидарә органнарының 20 өлкәдә вәкаләтләрен башкаруын билгеләп үтте. Республика законнары һәр өлкә өчен вәкаләтле башкарма хакимият органнарын билгели.
“Мәсәлән, Юстиция министрлыгы тапшырылган 3 вәкаләт өчен җавап бирә, Сәламәтлек саклау министрлыгы һәм Мәгариф һәм фән министрлыгы – шулай ук 3әр, Яшьләр министрлыгы һәм Транспорт министрлыгы - 2шәр. Финанс министрлыгы һәм Җир һәм мөлкәт министрлыгы барлык вәкаләтләр буенча диярлек финанс һәм милек контролен гамәлгә ашыра”, - дип аңлатты ул.
Министр урынбасары үз чыгышында Министрлыкның төбәк актларының һәм җирле үзидарә органнары актларының федераль законнарга туры килүен тәэмин итүдә актив катнашуын, шулай ук тапшырылган дәүләт вәкаләтләрен гамәлгә ашыруга юнәлдерелгән закон проектларын һәм законга бәйле актларны эшләү белән шөгыльләнүен искәртте.
“Мәсәлән, республика Парламенты эшенең соңгы биш елында гына да (2019 елдан 2024 елга кадәр) кануннарга 75 төзәтмә кертелде, ә 2005 елдан - 189 үзгәреш. Барлык кертелә торган үзгәрешләр Министрлыкның хокукый экспертизасын уза”.
Татарстан Юстиция министрлыгы тапшырылган 3 дәүләт вәкаләте өчен җавап бирә, шул исәптән административ хокук бозулар турында беркетмәләр төзергә мөмкин булган вазыйфаи затлар исемлеген билгеләү өчен дә.
Соңгы 2 ел динамикасы күрсәткәнчә, административ хокук бозулар турында төзелгән беркетмәләр саны кими бара. 2023 елда алар 2022 елга караганда 18% ка кимрәк булган (31 меңгә - 38 мең). Бу федераль закон тарафыннан кертелгән планлы тикшерүләргә гамәлдәге мораторий белән бәйле. 2023 елның беренче яртысында бу тенденция сакланды, һәм беркетмәләр саны тагын 27% ка кимеде.
Әмма, гомумән алганда, ачыкланган хокук бозуларның гомуми саны арткан. Бу елның 6 аенда аларның саны 115 121. Бу узган ел белән чагыштырганда 57% ка күбрәк. “Мондый үсешнең төп сәбәбе - техник элемтә чараларын куллану. Аларга мораторий кагылмый, шуңа күрә аларны куллану актив ачыклана. Мәсәлән, Казан шәһәр округында 100 меңнән артык хокук бозу очрагы ачыкланган, бу гомуми санның 95% ынтәшкил итә”, - дип хәбәр итте Мөхәррәм Мансур улы.
Эшләп бетерү өчен кире кайтарылган беркетмәләр саны шактый кимеде һәм нибары 0,14% тәшкил итте. Министрлык җирле үзидарә органнарына методик материаллар биреп һәм җаваплы хезмәткәрләрне өйрәтеп ярдәм итүен дәвам итәчәк.
Министр билгеләп үткәнчә, Министрлыкның җирле үзидарә органнары белән эшчәнлегендә уңай аспектлар бар. “Бу урыннарда әзерләнгән документларның сыйфатын яхшырту, шулай ук судлар тарафыннан кире кагылган беркетмәләр санын киметү”. Әмма, министр сүзләренчә, статистика эшне көчәйтергә кирәк булган моментлар барлыгын да күрсәтә. “Мәсәлән, административ хокук бозулар турында төзелгән беркетмәләр саны кимү күзәтелә. Кайбер авыл җирлекләре башлыклары актив эш алып бара, ә кайберләре бөтенләй инициатива күрсәтми. Әлбәттә, беркетмә төзү һәм җаваплылыкка тарту үзмаксат түгел; төп максат - җирлек территориясендә тәртип урнаштыру”, - диде Рөстәм Заһидуллин.
Азнакай муниципаль районы җирле үзидарә органнары тарафыннан тапшырылган Татарстан Республикасы дәүләт вәкаләтләренең гамәлгә ашырылуы турындагы доклад белән район башкарма комитеты җитәкчесе Айдар Шәмсетдинов чыгыш ясады.
Татарстан Республикасы Төзелеш, архитектура һәм торак-коммуналь хуҗалык министрлыгының территорияләрне үстерү департаменты җитәкчесе Айдар Әхмәтҗанов шәһәр төзелеше эшчәнлеге өлкәсендә вәкаләтләрне яңадан бүлүнең барышы турында сөйләде.
Коллегия гадәттәгечә бүләкләр тапшыру белән тәмамланды. Хезмәттәшләребезне чын күңелдән котлыйбыз!