Татарстан Дәүләт юридик бюросы махсус хәрби операциядә катнашучыларга һәм аларның гаиләләренә бушлай юридик ярдәм күрсәтүен дәвам итә
Махсус хәрби операциядә катнашучыларга һәм аларның гаиләләренә төрле яклап ярдәм күрсәтүне дәвам итәләр, шул исәптән юридик яктан да. “Ватанны саклаучылар” фондының Татарстан филиалында ТР Дәүләт юридик бюросы җитәкчесе урынбасары Рафаэль Гыйниатуллов түләүсез юридик ярдәм күрсәтү буенча гражданнарны атна саен кабул итә.
Бүген кабул итүдә Рафаэль Гыйниатулловка 5 граждан мөрәҗәгать итте, аларга хокукый характердагы консультацияләр бирелде, гамәлдәге законнар нигезендә аңлатмалар бирелде һәм вәкаләтле органнарга гаризалар проектларын әзерләүдә ярдәм күрсәтелде.
“Кабул итү барышында махсус хәрби операциядә катнашучылар үзләре дә, аларның туганнары да мөрәҗәгать итте. Мөрәҗәгатьләр мирасны рәсмиләштерү, махсус хәрби операциядә катнашучысының үлеменә бәйле рәвештә бер тапкыр түләнә торган түләүләр алу, торак законнары һәм кредит йөкләмәләрен кичерү мәсьәләләре буенча килде”, - дип хәбәр итте Дәүләт юридик бюросы җитәкчесе урынбасары.
Шунысын да билгеләп үтәргә кирәк, түләүсез юридик ярдәм күрсәтү “Демография” милли проектының максатларына һәм бурычларына туры килә.