Татарстан Юстиция министрлыгы хезмәткәрләре ГТО нормаларын уңышлы тапшырды
Россия физкультурниклары көнендә Татарстанда яшәүчеләр һәм дәүләт граждан хезмәткәрләре арасында “Хезмәткә һәм оборонага әзер” Бөтенроссия физкультура-спорт комплексы нормативларын тапшыру узды.
Спорт бәйрәме гадәттәгечә августның беренче атнасында “Демография” милли проектының “Спорт – тормыш нормасы” федераль проектын гамәлгә ашыру кысаларында уздырылды.
Татарстан Юстиция министрлыгы хезмәткәрләре дә ГТО нормативларын үтәүдә үз мөмкинлекләрен тикшерә алдылар. Зачетларны тапшыру дустанә һәм уңай атмосферада узды, хезмәттәшләр бер-берсенә актив ярдәм иттеләр.
Дәүләт хезмәткәрләре тапшырган күнегүләр арасында түбәндәгеләр бар иде: асылынып торган килеш гәүдәне күтәрү/идәнгә куллар белән таянып гәүдәне күтәрү, гимнастика эскәмиясендә басып торган килеш алга иелү, урыннан ике аяк белән этелеп озынлыкка сикерү, аркада ятып гәүдәне күтәрү.
“Яңгырлы һава торышына да карамастан, ГТО буенча ярышлар бик яхшы узды! Без хезмәттәшләребез белән аралашудан бик зур ләззәт алдык һәм энергия тупладык”, - дип уртаклаштылар безнең катнашучылар.
Спортчы-коллегаларга кызыксыну белдергәннәре һәм актив катнашулары өчен рәхмәт белдерәбез!