Юстиция министры урынбасарының РФ ЭЭМның Казан юридик институты курсантлары белән очрашуы
Бүген Татарстан Республикасы юстиция министры урынбасары Мөхәррәм Ибәтовның Россия Федерациясе Эчке эшләр министрлыгының Казан юридик институты курсантлары белән традицион очрашуы узды.
Очрашу барышында Мөхәррәм Ибәтов дәүләт граждан хезмәтенең социаль әһәмияте, аның төп аспектлары, яшь белгечләр өчен үсеш һәм перспективалар турында сөйләде. Ул җәмгыятьтә хокук тәртибен һәм гаделлекне тәэмин итүдә дәүләт хезмәтенең әһәмиятен билгеләп үтте.
Шулай ук министр урынбасары Татарстан Республикасы Юстиция министрлыгы вәкаләтләрен һәм аның алдында торган бурычларны яктыртты. Ул ассызыклаганча, Министрлык республиканың хокукый системасында төп роль уйный һәм закон чыгару мохитен яхшырту өстендә актив эшли.
Чара азагында курсантларга Татарстан Юстиция министрлыгы турында документаль фильм күрсәтелде. Фильм студентларны Министрлык тарихы, аның казанышлары һәм бүгенге көндә гамәлгә ашырыла торган мөһим проектлары белән таныштырды.
Мондый очрашулар курсантларга хокукый система турында белемнәрен киңәйтергә мөмкинлек бирә һәм аларны киләчәктә дәүләт хезмәтендә карьера ясарга рухландыра.