Юстиция министрлыгы командасы Казанда өстәл теннисы буенча ярышларда катнашты

2024 елның 11 ноябре, дүшәмбе

Казанда, Бокс һәм теннис үзәгендә, Татарстан Республикасы Дәүләт хезмәткәрләре Спартакиадасы кысаларында өстәл теннисы буенча ярышлар узды.

Быел кечкенә ракетка белән эш итү сәнгатендә иң яхшылар исеме өчен 23 команда көрәште. Ярышлар киеренке, әмма дустанә атмосферада узды, һәр команда үз осталыгын күрсәтергә омтылды.

Татарстан Республикасы Юстиция министрлыгы командасы, үҗәтлек һәм спорт рухы күрсәтеп, унберенче урынны алды. Көчле конкуренцияне һәм катнашучылар санын исәпкә алып, бу нәтиҗәне әйбәт дип санарга мөмкин. Көчле һәм компромиссыз көрәшләр команда хезмәттәшлеге һәм җиңүгә омтылышның яхшы үрнәге булды.

Хезмәттәшләребезгә ярышларда максатчанлыклары һәм команда рухын саклаулары өчен рәхмәт белдерәбез! Алдагы ярышларда уңышлар телибез!