Хокук бозуларны профилактикалау буенча Хөкүмәт комиссиясе эш төркеменең Кама Тамагы муниципаль районына чыгуы
2024 елның 13-14 ноябрендә Хокук бозуларны профилактикалау буенча Татарстан Республикасы Хөкүмәт комиссиясенең эш төркеме әгъзалары күрсәтелгән юнәлештә эшне оештыруны өйрәнү буенча Татарстан Республикасы Кама Тамагы муниципаль районында күчмә тикшерү үткәрделәр.
Күчмә тикшерү барышында составына төрле министрлыклар һәм ведомстволар вәкилләре кергән эш төркеме әгъзалары расланган план-йөкләмә нигезендә хокук бозуларны профилактикалау субъектларының аерым юнәлешләре буенча эшчәнлеген, шул исәптән “2014-2025 елларга Татарстан Республикасында җәмәгать тәртибен тәэмин итү һәм җинаятьчелеккә каршы көрәш” дәүләт программасының үтәлешен тикшерделәр.
Тикшерү нәтиҗәләре буенча юстиция министры урынбасары Мөхәррәм Ибәтов җитәкчелегендә Кама Тамагы муниципаль районы башлыгы урынбасары Илнур Гыйниятов, район башкарма комитеты җитәкчесе Ринат Заһидуллин, шулай ук районның барлык хокук бозуларны профилактикалау субъектлары вәкилләре катнашында киңәшмә узды. Эш йомгаклары буенча фикер алышынды, алга таба нәтиҗәле профилактик эш өчен кисәтүләр һәм тәкъдимнәр әйтелде.