Хокук бозуларны профилактикалау буенча Хөкүмәт комиссиясе эш төркеменең Лаеш муниципаль районына чыгуы
2024 елның 20-21 ноябрендә Хокук бозуларны профилактикалау буенча Татарстан Республикасы Хөкүмәт комиссиясенең әлеге юнәлештә эшне оештыруны өйрәнү буенча эш төркеме әгъзалары Татарстан Республикасының Лаеш муниципаль районында күчмә тикшерү үткәрделәр.
Күчмә тикшерү барышында составына төрле министрлыклар һәм ведомстволар вәкилләре кергән эш төркеме әгъзалары расланган план-йөкләмә нигезендә хокук бозуларны профилактикалау субъектларының аерым юнәлешләре буенча эшчәнлеген, шул исәптән “2014-2025 елларга Татарстан Республикасында җәмәгать тәртибен тәэмин итү һәм җинаятьчелеккә каршы көрәш” дәүләт программасының үтәлешен тикшерделәр.
Тикшерү нәтиҗәләре буенча юстиция министры урынбасары Мөхәррәм Ибәтов җитәкчелегендә Лаеш муниципаль районы Башкарма комитеты җитәкчесе Азат Нурмөхәммәтов, районның барлык хокук бозуларны профилактикалау субъектлары вәкилләре һәм авыл җирлекләре башлыклары катнашында киңәшмә узды. Хокук бозуларны профилактикалау буенча Татарстан Республикасы Хөкүмәт комиссиясе эш төркеме эшенә йомгаклар ясалды. Эш йомгаклары буенча фикер алышынды, алга таба нәтиҗәле профилактик эш өчен тәкъдимнәр әйтелде.