Юстиция министрының беренче урынбасары “ТИСБИ” Идарә университеты студентлары белән очрашты
Бүген “ТИСБИ” идарә университетында юстиция министрының беренче урынбасары Илья Гомзик хокук өлкәсенең булачак белгечләре белән ачык әңгәмә үткәрде.
Әңгәмә барышында Илья Александрович дәүләт граждан хезмәтенең максатлары һәм функцияләре турында җентекләп сөйләде, аның җәмгыять өчен социаль әһәмиятен ассызыклады. Ул билгеләп үткәнчә, дәүләт органнарында эшләү - үз һөнәри күнекмәләреңне тормышка ашыру мөмкинлеге генә түгел, ә дәүләт сәясәтен формалаштыруда һәм гамәлгә ашыруда катнашу мөмкинлеге дә ул.
Министрның беренче урынбасары шулай ук студентларны дәүләт хезмәтенә кабул итү тәртибе белән таныштырды һәм яшь белгечләрнең конкурслы сайлап алуны уңышлы узуы турындагы кыйммәтле тәкъдимнәре белән уртаклашты. Аның киңәшләре юриспруденция һәм дәүләт идарәсе өлкәсендә карьера төзергә теләгән студентлар өчен аеруча актуаль иде.
Очрашуда “ТИСБИ” Идарә университеты президенты белән юридик факультет деканы Светлана Аламова катнаштылар, алар белем бирү учреждениеләренең дәүләт структуралары белән үзара хезмәттәшлегенең квалификацияле кадрлар әзерләү өчен мөһимлеген ассызыкладылар.
Очрашу җылы һәм дустанә атмосферада узды, студентлар бик күп сораулар биреп, аларга җавап алдылар һәм фикер алышуда актив катнаштылар.