Татарстанда урман хуҗалыгы белгечлеге буенча укучы студентлар 2000 сум күләмендә стипендия алачак
Татарстан Республикасы Министрлар Кабинеты тарафыннан 2025 елның 1 гыйнварыннан республиканың урман хуҗалыгына бәйле юнәлешләр буенча белем алучы студентларга айлык түләүләр кертүне күздә тоткан карар чыгарылды. Татарстан Юстиция министрлыгы тарафыннан Хокукый мәгълүматның рәсми порталында бастырылган документ нигезендә, стипендияләр күләме 2056,7 сум тәшкил итәчәк.
Ярдәм алу өчен Татарстан Урман хуҗалыгы министрлыгы белән максатчан уку турында килешү төзергә кирәк. Студентларга министрлык карамагындагы учреждениеләрдә шартнамәдә күрсәтелгән белгечлек буенча укуларын тәмамлаганнан соң өч ел эшләргә туры киләчәк. Шулай ук шартларның берсе булып кандидатларның салым йөкләмәләре буенча бюджет алдында бурычлары булмау тора.
Карар шулай ук түләүләр туктатылырга мөмкин булган очракларны билгели. Аларга укудан куылу, академик отпуск, укуның килешүгә туры килми торган башка юнәлешенә күчү, салымнар буенча бурычлар булмау турында белешмәне вакытында тапшырмау керә.