Татарстан Республикасы Юстиция министрлыгы дәүләт хезмәткәрләре спартакиадасында үз командасын лаеклы тәкъдим итте
Татарстан Республикасы дәүләт хезмәткәрләренең ел саен май ахырында уза торган спартакиадасы республиканың төрле министрлыклары һәм ведомстволары вәкилләрен янәдән җыйды. Бу юлы ярышлар “Акчарлак” бассейнында узды, дәүләт хезмәткәрләре йөзүдә осталыкларын күрсәттеләр.
Татарстан Республикасы Юстиция министрлыгы командасын тәҗрибәле спортчылар Адель Сафин, Ильяс Хөснетдинов, Эрик Шәехов һәм Максим Андреев тәкъдим итте. Алар ирекле стиль белән 4×50 м эстафета дистанциясен уңышлы үттеләр, нәтиҗә - 2 минут 33,3 секунд. Ярышларда барлыгы 20 команда катнашты.
Йөзү ярышлары Спартакиаданың агымдагы этабының бер чик ноктасы булды: стартларның беренче яртысы артта калды. Әмма катнашучыларны алда тагын да кызыклырак һәм дулкынландыргыч сынаулар көтә.
Юстиция министрлыгы коллективы хезмәттәшләренә ихтыяр көче, бердәмлек һәм үзара ярдәмләшү өчен рәхмәт белдерә. Спартакиаданың киләчәк этапларында да яхшы нәтиҗәләр күрсәтүләрен, спорт казанышлары тели.