Татарстан Юстиция министрлыгы хезмәткәрләре КФУ студентларына коррупциягә каршы сәясәт һәм дәүләт хезмәте мөмкинлекләре турында сөйләделәр
Быелгы елның беренче кварталы ахырына республика хөкүмәте тарафыннан расланган «Татарстан Республикасының коррупциягә каршы сәясәтен гамәлгә ашыру» программасының планлаштырылган 20 чарасыннан 12 пункт уңышлы үтәлгән инде.
Әлеге һәм башка мәсьәләләр турында Татарстан Юстиция министрлыгы хезмәткәре - бүлек башлыгы Ярослав Швец һәм Казан федераль университеты студент-юристлары фикер алыштылар.
Чара барышында Ярослав Швец студентларны Министрлык эшчәнлеге юнәлешләре, республикада гамәлдәге коррупциягә каршы сәясәт системасының төп элементлары, шулай ук дәүләт граждан хезмәтенең әһәмияте һәм аның яшь белгечләр өчен перспективалары белән таныштырды.
Аның сүзләренә караганда, дәүләт органнары эшчәнлеге яшь белгечләргә һөнәри компетенцияләрен үстерергә генә түгел, республиканың эчке сәясәтен формалаштыруга һәм гамәлгә ашыруга турыдан-туры йогынты ясарга мөмкинлек бирә.
Очрашу барышында студентлар белгечкә үзләрен кызыксындырган сорауларны бирделәр һәм хакимият структураларында карьера башлауга карата тәкъдимнәр алдылар.