Татарстан муниципаль актларында законнарга туры килмәүләрне бетерү дәрәҗәсе 93 %ка җитте
Татарстан Юстиция министрлыгында узган киңәшмәдә муниципаль норматив актларда законнарга туры килмәүләрне бетерү буенча актуаль күрсәткеч әйтелгән: 1 нче июньгә булган мәгълүматларга караганда, бу күрсәткеч 93% ка җиткән.
Татарстан Республикасы Рәисе ярдәмендә Татарстан Юстиция министрлыгы тарафыннан “Татарстан Республикасында юстицияне үстерү” дәүләт программасы кысаларында законнарны мониторинглау эшенә “Кодекс” автоматлаштырылган мәгълүмат системасы кертелде. Әлеге система ярдәмендә муниципаль хокукый актларда законнарга туры килмәүләр ачыклана.
Министрлыкта билгеләп үтүләренчә, ачыкланган төгәлсезлекләрне бетерү динамикасы даими уздырыла, ә эш барышы турындагы мәгълүмат ай саен республиканың барлык муниципаль берәмлекләренә җибәрелә. 1 апрельдән ярашмаучанлыкларны бетерү проценты 3% ка арткан.
Юстиция министры урынбасары Мөхәррәм Мансур улы хокук бозуларны вакытында бетерү мөһимлеген ассызыклады. “Норматив хокукый актлар көн саен халык тарафыннан кулланыла, һәм аларның законнарга туры килмәве хокук куллану практикасында кыенлыклар китереп чыгарырга мөмкин”, - дип аңлатты ул. - “Җаваплы хезмәткәрләргә бу эшкә аерым игътибар бирергә һәм актларда туры килмәүләр санын арттырмаска кирәк”.