Татарстан Юстиция министрлыгы каршындагы Иҗтимагый совет түләүсез юридик ярдәм системасындагы үзгәрешләргә ачыклык кертте
Татарстан Республикасы Юстиция министрлыгы каршындагы Иҗтимагый советның быел икенче утырышы узды, анда юстиция министры Рөстәм Заһидуллин катнашты.
Утырышта Татарстан Республикасы Юстиция министрлыгында коррупцион һәм башка хокук бозуларны профилактикалау эше өчен җаваплы зат Виктория Леонидова Министрлыкның дәүләт хезмәткәрләре тарафыннан 2024 елга керемнәр, милек һәм мөлкәт йөкләмәләре турында мәгълүмат бирү турында доклад белән чыгыш ясады.
Моннан тыш, Иҗтимагый совет әгъзалары Дәүләт түләүсез юридик ярдәм системасы кысаларында гражданнарга түләүсез юридик ярдәм күрсәтүче адвокатларның хезмәтенә түләү тәртибенә үзгәрешләр кертү турында фикер алыштылар. Түләүсез юридик ярдәм күрсәтүне оештыру һәм планлаштыру бүлеге башлыгы Ярослав Швец билгеләп үткәнчә, үзгәрешләр түләүсез юридик ярдәм алу хокукына ия гражданнар категорияләре исемлегенең өч һәм аннан да күбрәк баласы булган күпбалалы ата-аналар белән тулыландырылуы белән бәйле. Чара өлкән балага 18 яшь тулганчы яки, әгәр ул белем бирү оешмасында көндезге формада укыса, 23 яшь тулганчы гамәлдә.
Иҗтимагый совет эшчәнлеге турында тулырак мәгълүматны Министрлыкның рәсми сайтында “Министрлык турында” бүлегенең “Татарстан Республикасы Юстиция министрлыгы каршындагы Иҗтимагый совет” бүлекчәсендә карарга була.