Татарстан Республикасы юстиция министры Л.Ю.Глухованың Республика көне белән котлавы

Татарстан Республикасы Юстиция министрлыгы исеменнән һәм шәхсән үз исемемнән сезне Татарстан Республикасы көне белән чын күңелдән котлыйм!

Татарстан – күп милләтле, борынгы тарихы булган һәм традицияләргә бай республика.

Киләчәктә дә безнең республика татулыкны һәм иң яхшы традицияләрне саклап калып, икътисадны ныгыту һәм халыкның тормыш дәрәҗәсен арттыру планнарын армый-талмый гамәлгә ашырыр дип ышанам.

Бу бәйрәм көнендә сезгә ихластан нык сәламәтлек, күтәренке күңел, куелган максатларыгызның тормышка ашуын, эшләрегездә уңышлар, сезгә һәм якыннарыгызга зур бәхетләр телим.