Судта ТР Министрлар Кабинеты мәнфәгатьләрен яклау

2010 елның 9 мартында Татарстан Республикасы юстиция Министрлыгының закон проектлары белән эшләү бүлеге мөдире  А.Р.Каримова Т.И.Порфирьеваның Татарстан Республикасы Министрлар Кабинетының 07.06.2006 елның 275 номерлы “Гражданнарның аерым категорияләренә федераль бюджет тарафыннан бирелгән субвенцияләр исәбенә субсидия бирү хакында Нигезләмәне раслау турында” (алга таба – Нигезләмә) карары белән расланган аерым гражданнар категорияләренә федераль бюджет тарафыннан бирелгән субвенцияләр исәбенә субсидия бирү хакындагы Нигезләмәнең 4 пункты конституция хокуклары һәм ирекләрен бозу турындагы шикаяте буенча Татарстан Республикасы Конституция Суды процессында катнашты.

24.11.1995 елның 181-ФЗ номерлы “Россия Федерациясендә инвалидларны социаль яклау турында” Федераль законның 28.2 статьясы нигезендә Россия Федерациясе тарафыннан Россия Федерациясе субьектларының дәүләт хөкүмәт органнарына инвалидларга торак урын һәм коммуналь уңайлыклар өчен түләүдә социаль ярдәм итү һәм торак җиргә мохтаҗ 2005 елның 1 январенә кадәр үк чиратка баскан инвалидларны, инвалид-балалы гаиләләрне торак белән тәэмин итү чараларын күрсәтү вәкаләтләре бирелгән.

Күрсәтелгән вәкаләтләрне үтәү максатында Татарстан Республикасы Министрлар Кабинетының 07.06.2006 елның 275 номерлы “Гражданнарның аерым категорияләренә федераль бюджет тарафыннан бирелгән субвенцияләр исәбенә субсидия бирү хакында Нигезләмәне раслау турында” карары гамәлгә кертелде.

24.11.1995 елның 181-ФЗ номерлы “Россия Федерациясендә инвалидларны социаль яклау турында” Федераль законның 28.2 статьясы нигезендә шикаять белдерүченең улы Д.Н.Порфирьев Казан шәһәре Башкарма комитетының Совет районы администраөиясе тарафыннан торак белән чиратсыз рәвештә тәэмин ителүгә мохтаҗ гражданнар исемлегеннән төшереп калдырылган. Бу исемлектә 2001 елдан бирле исәпләнгән Д.Н.Порфирьев турындагы магълүмат Татарстан Республикасы Хезмәт, халыкны эш белән тәэмин итү һәм социаль яклау Министрлыгына тапшырылган. Шикаять белдерүче сүзе буенча, әлеге факт улының торак шартларын яхшыртуга мохтаҗлар чиратындагы тәртип саны Казан шәһәре Башкарма комитетының Совет районы администраөиясе реестрындагы 7 саныннан Татарстан Республикасы Хезмәт, халыкны эш белән тәэмин итү һәм социаль яклау Министрлыгы реестрының 4511 санына күчкән.

Тасвирланган хәлләр нигезендә Т.И.Парфирьева Нигезләмәнең 4 пункты тарафыннан Татарстан Республикасы Конституциясенең 54 статья (1 өлеш), 55 (1 өлеш), 58 статья нигезләмәләреннән чыккан үзенең һәм улы-инвалидның конституцион хокуклары бозыла дигән фикердә тора. Әлеге статьялар нигезендә Татарстан Республикасында һәр кешене социаль тәэмин итү гарантияләнә, шул исәптән инвалидлык буенча да; һәр кешенең торакка хокукы бар, Татарстан Республикасында кеше һәм гражданинның хокукы һәм иреген гамәлдән чыгаручы, чикләүче законнар чыгарылырга тиеш түгел.

Нигезләмәнең 4 пункты гражданнарга торак алу өчен субсидия бирү чиратлылыгын билгеләү мәсьәләләрен җайга сала. Нигезләмәнең 4 пункты нигезендә гражданнарга, аерым алганда, инвалидларга, инвалид-балалы гаиләләргә торак алу өчен субсидия бирү билгеле бер тәртиптә, Татарстан Республикасы Хезмәт, халыкны эш белән тәэмин итү һәм социаль ярдәм күрсәтү Министрлыгы тарафыннан Татарстан Республикасы муниципаль берәмлекләренең башкарма комитетлары тапшырган субсидияне алучыларның җыелма исемлекләре нигезендә, гамәлгә ашырыла. Бу исемлекләрдә 2005 елның 1 январенә кадәр үк чиратка баскан торак шартларын яхшыртуга мохтаҗ гражданнар теркәлгән. Җыелма исемлекләр торак шартларын яхшыртуга мохтаҗ гражданнар исәпкә алынган хронологик тәртиптә формалаштырылалар. Бер үк көнне исәпкә алынган гражданнар җыелма исемлектә алфавит тәртибендә күрсәтеләләр.

Нигезләмәнең гамәлгә чыгаруның максаты: гражданнарның социаль ярдәмгә, торакка конституцион хокукларын җайга салуны тәэмин итү.

24.11.1995 елның 181-ФЗ номерлы “Россия Федерациясендә инвалидларны социаль яклау турында” Федераль законның 17 статьясы нигезендә инвалидларга социаль наймга алу шартнамәсе нигезендә бер кешегә бирелә торган мәйданга караганда зуррак (әмма ике тапкырдан да артык түгел) торак урын бирелергә мөмкин, ләкин алар Россия Федерациясе Хөкүмәте башкарма комитетының федераль хөкүмәтенең вәкаләтле органы тарафыннан билгеләнгән исемлегенә кертелгән авыр формадагы хроник авыру белән интегүчеләр булсалар гына. Россия Федерациясе Торак кодексының 2 бүлеге 57 статьясы нигезендә шундый гражданнар социаль наймга алу шартнамәсе нигезендә чиратсыз торак урын бирелә. Т.И.Порфирьева шикаятенә беркетелгән документлардан күренгәнчә, аның улы Д.Н.Порфирьев 2008 елда Казан шәһәре Башкарма комитетының Совет районы администрациясе башлыгы карары нигезендә торак белән чиратсыз тәэмин ителүгә хокуклы затлар исемлегенә кертелгән.

Татарстан Республикасы юстиция Министрлыгы фикеренчә, Т.И.Порфирьева шикаятендә тасвирланган Нигезләмәнең 4 пункты аның конституцион хокукларын һәм ирекләрен чикләве хакындагы дәлилләре хокуки нигезсез.

Т.И.Порфирьева шикаяте буенча кабул ителгән Татарстан Республикасы Конституция Суды карары соңрак игълан ителәчәк.

 

Татарстан Республикасы юстиция Министрлыгының матбугат үзәге