Татарстан Республикасы юстиция Министрлыгында граждан мәрәҗәгатьләрен карау буенча дәүләти хезмәт күрсәтү турында

2010 елның беренче кварталы дәверендә Татарстан Республикасы юстиция адресына гражданнардан 112 язма гариза кабул ителде. Аларның 50% Татарстан Республикасы Хакимияте Рәсми порталының Интернет-кабул итү бүлмәсе аша тапшырылды.

Татарстан Республикасы муниципаль районнарында җирле үзидарә органнары эшчәнлегенә хокукый ярдәм күрсәтү бүлеге белгечләре тарафыннан 254 кеше кабул ителгән һәм алардан консультация алган.

Отчет чоры эчендә кергән корреспонденцияне тикшерү нәтиҗәсенә нигезләнеп түбәндәге мәгълүмат ачыклана: гражданнар гаризаларының суд карарларының башкарылмау мәсьәләләре белән бәйле – 9 мөрәҗәгать, яки гражданнардан кабул ителгән бөтен хатларның 8%; 17 мөрәҗәгать (15%) - суд органнарының эшчәнлегенә кагылышлы; 26 мөрәҗәгать (23%) – хокукый характердагы гомуми мәсьәләләр; 11 мөрәҗәгать (10%) – нотариат эшчәнлеге белән бәйле.

Гражданнарның күпчелеге юстиция министрына Татарстан Республикасы юстиция Министрлыгы компетенциясендә булмаган мәсьәләләр буенча, аерым алганда, суд карарлары башкарылмауга, суд приставларының битарафлыгына шикаять белдереп, мөрәҗәгать итәләр. Югыйсә, Министрлык сайтының “Еш бирелә торган сораулар” бүлегендә әлеге мәсьәлә буенча аңлатма бирелгән. Кабул ителгән гаризалар анализыннан күренгәнчә, агымдагы елның 1 кварталы эчендә шундый мөрәҗәгатьләр 8% тәшкил иткән. 2009 ел дәверендә исә Министрлыкка шуный ук гаризалар 54 (14%) тапшырылган. “Суд приставлары турында” ФЗ нигезендә суд приставының эшчәнлегенә (битарафлыгына) шикаять буйсынучанлык тәртибендә югарыдагы суд приставына яисә тиешле суд органына.

Татарстан Республикасы юстиция Министрлыгы компетенциясендә булмаган мәсьәләләр буенча Министрлыкка тапшырылган граждан мөрәҗәгатьләре, 12.05.2003 елгы 16—ЗРТ номерлы “Татарстан Республикасында граждан мөрәҗәгатьләрен карау тәртибе турында” Татарстан Республикасы Законының 6 статьясы нигезендә, ведомстволар буенча юнәлдерелә.

Еш кына гражданнар суд чыгарган карар яки хөкем карары белән килешмичә, Министрлыкка шикаять яки күзәтчелек инстанциясенә буларак мөрәҗәгать итәләр, мондый мөрәҗәгатьләргә шикаять бирү тәртибен аңлаткан җаваплар кайтарыла. Барлык кабул ителгән гаризаларны юстиция министры шәхсән карый, үзе булмаганда гаризалар министр вазыйфаларын вакытлыча үтәүче тарафыннан карала. Министрлык җитәкчелеге төрле мәсьәләләр буенча шәхсән 32 гражданны кабул итте.

Квартал дәверендә Министрлык аппаратына 189 контроль документ керде. Татарстан республикасы Министрлар Кабинеты Аппараты башкарма хакимияте органнарының үзара хезмәттәшлеген координацияләү Идарәсенең контроль бүлеге хәбәр итүенчә, барлык контроль документлар үз вакытында башкарылган.

2010 елның 22 мартында Татарстан Республикасы Президенты “Татарстан Республикасында халыкка юридик ярдәм күрсәтү системасын үстерү һәм халыкны хокукый мәгърифәтле итү чаралары турында” Указын имзалады. Әлеге документта гражданнарны социаль һәм хокукый яклау дәрәҗәсен күтәрү, суд эшчәнлегенә үтемлелекнең югары дәрәҗәдә тәэмин итү, законлылык һәм хокук тәртибен ныгыту, әлеге эштә дәүләт һәм муниципаль органнарның ролен үстерү максатында Татарстан Республикасында халыкка юридик ярдәм күрсәтү, шул исәптән түләүсез, системасын үстерү буенча чаралар исемлеге билгеләнгән.

Билгеле булганча, Татарстан Республикасында 2007 елдан бирле, Россия юристлар Ассоциациясенең Татарстан региональ бүлеге катнашында, 15 халыкка юридик ярдәм күрсәтү һәм халыкны хокукый мәгърифәтле итү Үзәге оештырылган (с 2010 елдан – 13 үзәк), аларның 8 – Казанда, 4-Яр Чаллыда, 1 – Түбән Камада. “КАМАЗ” ААҖ хокук эшләре Департаменты тарафыннан “КАМАЗ” ААҖ хезмәткәрләренә социаль-хокукый ярдәм күрсәтү буенча өстәмә Үзәк оештырылган.

ТР юстиция Министрлыгы, юристлар Ассоциациясе белгечләре атна саен халыкны түләүсез кабул итәләр. Бу вакыт эчендә хокукый ярдәм сорап 6 меңнән артык республика гражданы мөрәҗәгать иткән. 2010 елның беренче кварталында гына 365 гражданга хокукый ярдәм күрсәтелгән.