ТР Юстиция Министрлыгы коллективы гадәттәгечә субботникка чыкты

Гадәттәгечә, май бәйрәмнәре алдыннан Татарстан Республикасы юстиция Министрлыгында административ бина эчен җыештыру һәм Министрлык каршындагы территоиияләрне чистарту буенча субботник уздырылды. Бу елны республикасның юстиция Министрлыгында икеләтә бәйрәм – Министрлык оештырылуына 90 ел.

Татарстан АССР юстициясе Халык комиссариаты республикабыз белән бер үк көнне оештырылган: 1920 елның 27 маенда ВЦИК һәм РСФСР Совнарком Декреты нигезендә.

Бүген Министрлык җитәкчеләре һәм белгечләре, шулай ук шәһәр, республика районнары җәмәгать судьялары аппараты, Татарстан Республикасы шәһәрләре һәм районнарында хокук мәсьәләләре буенча җирле үзидарә органнары белән үзара хезмәттәшлекне оештыру департаменты белгечләре гадәттәгечә субботникка чыктылар. Һәрбер кешегә җыештыру өчен үзенең территориясе билгеләнде. Субботник Казан шәһәре территориясен санитар чистарту һәм төзекләндерү субботнигы, айлыгы кысаларында уздырылды.

Бүлек мөдирләре, Министрлык аппараты белгечләре Министрлык җитәкчеләре белән бергә Министрлыкның административ бинасында һәм бина каршындагы территориясендә барысын тәртипкә салдылар. Җәмәгать судьялары аппараты хезмәткәрләре һәм Департамент белгечләре урыннарында биләгән урыннарын һәм территорияләрен җыештырдылар. Коллективның ирләре бергәләп урам җыештыруга керештеләр: узган елгы коелган яфракларны җыйдылар, Министрлык бинасы каршындагы газоннарны тырмаладылар һәм казыдылар, чүпләрне җыеп, ишек алларын себерделәр, административ бина фасадын һәм баскыч төбен юдылар, гаражны тәртипкә китерделәр. Хатын-кызлар бина эчендә эшләделәр: бөтен бинаның тәрәзәләрен юдылар, кабинетларда, коридорларда тузанны сөрттеләр, чәчәкләрне күчереп утырттылар. Бар нәрсә чисталыкта һәм тәртиптә булгач, ничек тырышып эшләгәнебез күренеп тора.

 

ТР юстиция Министрлыгы Матбугат Үзәге