Генпрокуратура ЮХИДИ юл ситуацияләрен ясалма рәвештә катлауландыруда гаепләде

Федераль собраниегә ел саен тәкъдим итә торган “Законлылык һәм хокукый тәртип торышы турында” докладында генераль прокурор Юрий Чайка ЮХИДИгә кискен мөнәсәбәтен белдерде. Докладта әйтелүенчә, инспекциянең административ хокук бозучыларны тоту белән мәшгуль, бу административ хокук бозуларга каршы  профилактикага комачаулый. “Ведомости” мәгълүматына караганда, бу статистика күрсәткечләрен ясалма рәвештә үстереп күрсәтүгә һәм коррупциягә китерә.

Машина йөртүчеләрне һәм җәйәүлеләрне административ җаваплылыкка тартыр өчен инспекция хезмәткәрләре тарафыннан, нигезсез юл билгеләмәләре системалы рәвештә кулланып, ясалма юл ситуацияләре оештырыла. Мондый җинаятьләр буенча ЮХИДИ хезмәткәрләренә каршы җинаять эшләре кузгатыла, диелә Чайка докладында.

Шулай ук докладта түбәндәге ачу китерә торган мисал китерелә, Челябинск өлкәсендә “наркомания” яки “алкоголизм” диагнозлы 650 кеше машина йөртү таныклыгы алган, хәтта мондый затларны автотранспорт йөртүдән мәхрүм итү турындагы 120 суд карарының 50 генә башкарылган.