Торак-коммуналь хезмәтләр өчен түләүче гражданнарның хокукларын һәм мәнфәгатьләрен яклау чаралары

2010 елның 14 апрелендә Татарстан Республикасы Министрлар Кабинеты тарафыннан 262 номерлы “Торак-коммуналь хезмәтләр өчен тулаем һәм үз вакытында түләүче гражданнарның законлы хокукларын һәм мәнфәгатьләрен яклау турында” карар кабул ителде. Әлеге карар нигезендә Татарстан Республикасында торак-коммуналь уңайлыклар өчен тулаем һәм үз вакытында түләүче гражданнарның законлы хокукларын һәм мәнфәгатьләрен яклау чаралары билгеләнгән.

Күпфатирлы йортларда файдаланылган салкын һәм кайнар су чыгымын исәпләү буенча Тәкъдимнәр расланган (коммуналь фатирлардагы бүлмәләрдә файдаланылган су өчен түләүне билгеләүне исәпкә алмыйча).

Күпфатирлы йортны коллектив (гомумйорт) исәпләгечләр белән җиһазландырганда һәм индивидуаль һәм (яисә) гомум (фатир) исәпләгечләре өлешчә яисә тулаем булмаганда индивидуаль исәпләгечләр белән җиһазландырылган торак биналар өчен түләү күләмен исәпләү, аена бер яшәүчегә гомум йорт ихтыяҗлары өчен тотылган 0,17 куб.метр салкын су һәм 0,003 куб.метр кайнар суны исәпкә алып, индивидуаль исәпләгеч күрсәткечләре буенча башкарыла.

Торак-коммуналь уңайлыклар өчен түләү өлкәсендә бурычлары булган эшсез гражданнарны эш белән тәэмин итү буенча дәүләт ярдәме турындагы социаль шартнамә төзегән Татарстан Республикасы территориясендә даими яшәүче гражданнарга максатлы пособие бирү тәртибе һәм шартлары билгеләнгән.

Максатчан пособие аена 1700 сумны тәшкил итә. Максатчан пособие ай саен түләнә. Максатчан пособие күләме гражданның торак-коммуналь уңайлыклар өчен түләвендәге бурычы күләменнән артык булырга тиеш түгел. Максатчан пособие гариза бирүченең даими тору урынына бәйле рәвештә республика Хезмәт, Халыкны эш белән тәэмин итү һәм социаль яклау Министрлыгының социаль яклау идарәсенең (бүлегенең) муниципаль районындагы (шәһәр округындагы) карары нигезендә билгеләнә.

Социаль шартнамә төзү тәртибе; максатчан пособие билгеләү һәм түләү тәртибе билгеләнгән. Социаль шартнамә төзү теләге булган гражданнар өчен тапшырырга тиешле документларның формалары китерелгән.

 

ТР стиция Министрлыгының Матбугат Үзәге тарафыннан

«Гарант» компаниясе мәгълүматларына таянып әзерләнде