Татарстан Республикасы юстиция министры М.М.Курмановның Бөек Ватан сугышында совет халкы Җиңү яулавының 65-еллыгы белән котлавы

Мөхтәрәм Бөек Ватан сугышы ветераннары һәм тыл хезмәтчәннәре!

Хөрмәтле гражданнар!

Бөек Ватан сугышында совет халкы Җиңү яулавының 65-еллыгы - илебезнең иң кыйммәтле, иң тантаналы бәйрәме белән Сезне чын күңелдән котларга рөхсәт итегез!

Шушы еллар дәверендә 9 май көне безнең өчен милли шатлыгыбыз һәм горурлыгыбыз булып тора. Герман фашизмының чиксез хакимлеккә дәгъва итүен мәңгегә туктаткан көн - 1945 елның язы бездән ерагайган саен башкарылган батырлыкның югарылыгы тагын да ачыграк, россиялеләр һәм бөтен дөнья өчен Бөек Җиңү мәгънәсе тулырак сизелә.

Безнең республикабыз уллары һәм кызлары Бөек Ватан сугышының хәлиткеч сугышларында катнашкан. Хәрәкәттәге армиягә республикабыздан 700 мең кеше чакырылган. Шуларның якынча 350 меңе (һәр икенчесе) Ватаныбыз иреклеген һәм бәйсезлеген яклап үз гомерләрен куйганнар. Аларның исемнәре 27-томлы Хәтер Китабына кертелгән, бу китапның максаты – татарстанлыларның хәрби батырлыкларын мәңгеләштерү, без бүген яши торган тыныч тормышыбыз өчен бурычлы булганнар турындагы хәтерне киләчәк буыннарга җиткерү.

Без – Бөек Җиңү варислары – Ватаныбыз солдатларының хәрби батырлыклары алдында баш иябез. Әрнү, кан һәм үлемгә карамастан, сугыш авыр заманасының кыенлыклары һәм мәхрүм итүләрен үз җилкәләрендә күтәргәннәр алдында түбән баш иябез. илебезне хәрабәләрдән күтәргән, Җиңүчеләр буыны нинди булырга тиешлеген үз тормышы үрнәгендә күрсәткәннәр алдында баш иябез һәм рәхмәт укыйбыз.

Нык сәламәтлек, җан җылысы һәм якыннарыгызның кайгыртучанлыгы, гаиләләрегездә тынычлык, ярдәмләшү һәм озак бәхетле тормыш юлы телибез!