Салмак барган транспорт средствосын яңа кагыйдәләр буенча узып китәбез

2010 елның 10 маендагы 316 номерлы РФ Хакимияте карары нигезендә Юл йөрү Кагыйдәләренә үзгәрешләр кертелде.

Беренчедән, Кагыйдәләрдә терминнар шактый яңарды. Атомобиль йөртүчеләр “көндезге йөрү утлары”, “чикләнгән күренүчәнлек”, “узып китү”, “киртә” кебек яңа төшенчәләргә тап булачаклар.

Икенчедән, узып китү кагыйдәләре шактый үзгәреш кичерде. Узып китү төшенчәсе астында “бер яки берничә транспорт средстволарын, каршы килүче хәрәкәт өчен карлган каршы полосага (йөрү ягына) чыгып, узып китү, аннан соң элек хәрәкәт иткән полосага кайту(йөрү ягына)” күз алдында тотыла.

Узып китү турында тавышлы сигнал урынына яисә аның белән бергә фара утын кыска вакытлы рәвештә якыннан еракка күчереп яктыртуны кулланырга мөмкин булачак. Дүрт яисә аннан күбрәк полосасы һәм ике яклы хәрәкәте булган юлда акрын йөрүче транспорт средстволарын узып китәргә рөхсәт ителә: җигүле арбалар, мопедлар һәм ике көпчәкле каляскасыз мотоциклларны, хәтта “Узып китү тыела” знагы торса да. Узып китү өчен каршы хәрәкәт полосасына чыгу, бу юнәлештә хәрәкәт өчен өч яки аннан күбрәк полосасы булган теләсә нинди юлларда узып китү өчен сул як кырый полосадан файдалану тыела.

Өченчедән, боҗралы кисешүдә хәрәкәт итү кагыйдәләре европаныкылары белән унификацияләштерелгән, бу, һичшиксез, безнең илдә генә түгел, бәлки чит илдә дә руль артына утырырга мәҗбүр булган машина йөртүчеләр өчен бик җайлы. Бүгенге көндә боҗралы кисешүдә торганда бу кисешүгә кереп баручы машиналарга юл биргән булсак, яңа кагыйдәләр нигезендә исә киресенчә боҗралы кисешү буйлап хәрәкәт итүче машина өстенлек алачак.

Берничә төзәтмә юл хәрәкәтендә катнашучырга да кагыла. Иминлек каешларын куллану бөтен кеше өчен мәҗбүриләштерелде. Моңарчы бу кагыйдә машина йөртергә өйрәтүче инструкторларга, оператив хезмәт машина йөртүчеләренә һәм пассажирларына кагылмый иде.

Юлда җәйяү йөрүчеләр үзләрен тагын да ышанычлы хис итәчәкләр. Машина йөртүчеләр машина йөри торган юлга аны аркылы чыгар өчен аяк баскан һәр затка юл бирергә тиеш булалар.

Яңа кагыйдәләрне үзләштерү өчен россияле машина йөртүчеләргә ярты ел вакыт бирелә, чөнки төзәтмәләр аларны рәсми бастырып чыгарганнан соң 6 ай узгач үз көчләренә керәчәк.