Дәүләт Думасы өлешләп төзүчеләр хокукларын яклау турында төзәтмәләр кабул итте

2010 елның 5 июне, шимбә
Дәүләт Думасы тарафыннан җомга көнне өченче, ахыргы укылышта “Күчемсез милек һәм аның белән килешү төзү хокукын дәүләти теркәү турында” законга һәм өлешләп төзүдә катнашучылар хокукларын яклауга юнәлдерелгән берничә РФ закон чыгаручы актларына төзәтмәләр кертелде.

Закон эксплуатациягә кертелмәгән күп фатирлы йортларда торак алу өчен гражданнарның акчаларын җәлеп итү бары тик йорт төзүдә өлешләп катнашу шартнамәсе нигезендә генә башкарылуга юл куя.

Моннан тыш, үз милкендә яисә аренда, субаренда хокукында җир кишәрлегенә ия булган һәм күп фатирлы йорт төзүгә рөхсәт алган юридик зат аерым төр облигацияләр – торак сертификатлары чыгарырга хокуклы.

Гражданнар акчаларын эшчәнлекләре закон тарафыннан җайга салына торган торак-төзү һәм торак туплау кооперативлары кабул итә ала

Закон проекты тарафыннан шулай ук гражданнардан күп фатирлы йорт төзүгә акча җыючы һәм бу эшчәнлеккә хокуклары булмаган затлар өчен административ җаваплылык билгеләнә. Вазыйфаи затлар өчен штраф күләмен 20 меңнән алып 50 меңгә кадәр, юридик затлар өчен 500 меңнән миллион сумга кадәр штраф билгеләргә тәкъдим ителә.
 
РИА Хәбәрләр
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International